Den Bibel, Inhoudende dat Oude ende Nieuwe Testament (Biestkensbijbel)

¶ Dat .viij. Capittel.

¶ Leert v voor ghekijf wachten, niemant versmaden noch verachten. Hem voor borchschap wachten, voor vermeten, toornighe ende sotten hem wachten.

1

⁺ EN^† kijft niet met eenen geweldigen, dat ghy hem niet inde handen en valt.

+ A vers 1

† Mat. 5.c.25.

2

^* En kijft niet met eenen rijcken, dat hy v niet en ouerwege.

* Ecc. 28.b.14.

3

^† Want vele laten haer met ghelde steken, ende het beweecht ooc wel der Coninghen herten.

† Eccl. 31.a.6.

4

En kijft niet met eenen Snappaert, dat ghy geen hout toe en draecht, tot zijnen viere.

5

Ende schimpt niet met eenen grouen mensche, dat hy dijn geslachte niet en onteere.

6

En werpt dien zijn sonde niet voor, die hem betert,^† ende gedenct, dat wi noch altemael schult op ons hebben.

† Gal. 6.a.3. 2.Cor. 2.b.8.

7

^* En veracht den Ouderdom niet, want wy dencken oock oudt te worden.

* Leu. 19.g.32. 1.Tim. 5.a.1.

8

En verhuecht v niet, dat dijn Viandt sterft,^† denct, dat wy alle steruen moeten.

† Heb. 9.d.27.

9

^* En veracht niet wat de Wijse spreken, maer schickt v na hare spruecken.

* Eccl. 6.d.35.

10

Want van hen cont ghy wat leeren, ende hoe ghy v houden sult teghen groote lieden.

11

⁺ En laet v niet duncken day ghy cloecker zijt dan de Ouden,^* want sy hebbent oock van haren Vaderen gheleert.

+ B vers 11

* Exo. 12.d.25. Deute. 4.b.9. 11.c.19. Psal. 78.a.3.

12

Want van henlieden cont ghi leeren, hoe dat ghy antwoorden sult, alst van nooden is.

13

^* En blaest den goddeloosen zijn vier niet op, dat ghy oock niet mede en verbrant.

* Prou. 26.c.21.

14

En stelt v niet teghen eenen Lasteraer, dat hy uwe woorden niet en verkeere.

15

^* En leent niet eenen gheweldigeren dan ghy zijt: Maer leent ghy hem, soo achtet als verloren.

* Eccle. 29.a.4

16

^† En wort geen borge bouen dijn vermogen: Maer doet ghijt, so denct dat te betalen.

† Eccle. 29.c.23

17

⁺ En recht niet met den Rechter, want men spreect dat ordeel soo hi wil.

+ C vers 17

18

^† En wandelt niet met eenen ombesuysden, dat hy v niet in ongheluck en brenghe.

† Gen. 4.b.8.

19

Want hy recht aen al wat hy wilt, so moest ghy dan om zijnder dwaesheyt wille, schade lijden.

20

^* En twist niet met eenen toornighen mensche, ende en gaet niet met hem alleen ouer het velt. Want hy acht dat bloetvergieten als niet: Als ghy dan geen hulpe en hebt,^* soo vermoort hy v.

* Pro. 22.d.24.

* Gen. 4.b.8.

21

^† Met den Sotten en hout gheenen raet, want het en gaet hen niet ter herten.

† Eccle. 9.c.19. 37.b.16.

22

Voor eenen vreemden en doet niet secreets, want ghy en weet niet, wat daer af comen mochte.

23

En openbaert alle Man dijn herte niet, hy mochte v qualijck dancken.