Den Bibel, Inhoudende dat Oude ende Nieuwe Testament (Biestkensbijbel)

¶ Dat .vij. Capittel.

¶ Menigherley schoone leere.

1

⁺ EN doet niet quaets, so en ghebuert v niet quaets.

+ A vers 1

2

Hout v vant onrecht, so en treft v geen ongheluck.

3

^† En saeyt niet op den Acker der ongherechticheyt, soo en sult ghyse niet seuenuoudich oogsten.

† Galat. 6.a.9. Iere. 4.a.4. Ozee. 10.b.12.

4

En dringt v niet in officien voor Gode, ende en staet niet na ghewelt, by den Coninck.

5

En laet v niet duncken voor Gode, dat ghy gheschickt ghenoech daer toe zijt, ende en laet v niet duncken by den Coninc, dat ghy wijs ghenoech daer toe zijt.

6

En laet v niet verlanghen om Rechter te sine, want door dijn vermogen, en sult ghy niet alle onrecht te rechte brenghen, ghy mocht v ontsetten voor eenen gheweldighen, ende dat recht met schanden laten vallen.

7

En recht geen oproer aen inder stadt, ende en hangt v niet aenden gemeynen man,

8

Op dat ghy niet dobbel schult en moet draghen, want gheen en sal onghestraft blijuen.

9

En denct oock niet: God sal mijnen grooten offer daer voor aensien, ende wanneeric den Alderhoochsten Gode daer voor offere, soo sal hijt aennemen.

10

^† Wanneer ghy bidt, so en twijfelt niet, ende en weest niet traech om aelmoessen te gheuen.

† Iacob. 1.a.6. Mat. 21.c.22.

11

12

En bespot den bedroefden niet, want daer is een,^* die can beyde, vernederen ende verheffen.

* 1.Regum. 2.b.6

13

^+‡ En versiert gheen lueghenen tegen uwen broeder, noch tegen uwen vrient.

+ B vers 13

‡ Leuit. 19.b.11. Ephe. 4.c.25. Collos. 3.a.9.

14

En gewent v niet tot lueghen, want dat is een schadelijcke ghewoonte.

15

En weest niet clapachtich by den Ouden,^* ende als ghy bidt, en maeckt niet veel woorden.

* Math. 6.a.7. Esaie. 1.b.15.

16

Ist dattet v suer wort, met uwe neeringhe ende ackerwerck, dat en laet v niet verdrieten,^* want Godt heuet also gheschapen.

* Genes. 3.c.19.

17

18

En verlaet v daer niet op, dat den hoop groot is, daer mede ghy quaet doet, maer gedenct dat de straffinge niet verre van v en is.

19

^† Daerom verootmoedicht v van herten,^* want Vier ende Wormen, is de wrake ouer de godloosen.

† 1.Petri. 5.a.6

* esa. 66.d.24 Iudit. 16.c.25. Marc. 9.e.47

20

^‡ En gheeft uwen vrient niet ouer, om eenich goets wille, noch uwen getrouwen broeder, om des besten gouts wille.

‡ Eccli. 9.b.12

21

^* En scheyt v niet van een verstandich ende vroom wijf,^† wandt si is edelder dan eenich gout.

* Prou. 18.c.22.

† Pro. 31.b.10.

22

^+‡ Eenen ghetrouwen knecht, ende neerstighen Arbeyder, houdt wel.

+ C vers 22

‡ Eccli. 33.d.40

23

Eenen^† vromen knecht hebt lief, ende en verhindert hem niet, ist dat hy vrij geworden can.

† Leuit. 19.c.13 Deu. 24.c.14

24

^‡ Hebt ghy vee, soo slaetet gaey, ende brenghet v nutticheyt in, soo behoudet.

‡ Deut. 25.a.4. Prou. 27.c.23.

25

^† Hebt ghy kinderen, soo leertse, ende buycht haren hals van iuecht op.

† Pro. 13.c.24 19.c.18. 23.b.13 Eccle. 30.b.12.

26

Hebt ghy dochteren, so bewaert haer lichaem ende en verwentse niet.

27

^* Besteet uwe dochter, soo hebt ghy een groot werck ghedaen, ende gheeftse eenen verstandighen man.

* Tobie. 7.c.15.

28

Hebt ghy een wijf die v lief is, so en laet v niet van haer keeren om haer te verstooten, ende en betrout de behaette niet.

[p. 114v]

29

^* Eert uwen vader van geheelder herten, ende en vergeet dies niet, hoe suer dat ghy uwer moeder gheworden zijt:

* Exo. 20.b.12. Eccl. 3.a.1. Tob. 4.a.2. Ephe. 6.a.2.

30

Ende gedenct, dat ghy van henlieden geboren zijt, ende wat cont ghy hen daer voor doen, dat sy by v ghedaen hebben?

31

Vreest den HEEre van gheheelder herten, ende houdt zijne Priesters in alder eeren.

32

⁺ Hebt lief dien, die v ghemaeckt heeft, van alle crachte:^† Ende en verlaet zijne dienaers niet. Summa.

+ D vers 32

† Deu. 12.c.19.

33

Vreest den HEERE, ende eert de Priesters, ende^* geeft hen haer deel, ghelijc v geboden is,

* Deu. 14.c.22. Nu. 18.b.11.

34

Vanden eerstelingen ende Schultofferen, ende Hefofferen, ende watter meer gheheylicht wort tot den offer, ende alderley Heylighe eerstelinghen.

35

Doet den^* Armen hantreyckinghe, op dat ghy rijckelijc gesegent wort, ende uwe weldaet, v aengenaem make,

* Eccl. 12.a.8. Gal. 6.b.10. Tob 1.c.17.

36

Voor alle leuendige Menschen:^† Iae bewijst oock uwe weldaet, aen den dooden.

† 4.Esdre. 2.b.23. Tob. 1.c.17.

37

En laet de weenende niet sonder troost,^‡ mer truert met den truerighen.

‡ Ro. 12.c.15. Iob. 29.c.25.

38

En beswaert v niet^† de crancken te besoecken, want om dies wille sult ghy geloeft worden.

† Mat. 25.c.36

39

^* Wat ghy doet, daer bedenct dat eynde in, soo en sult ghy nemmermeer quaet doen.

* Eccl. 28.b.12