Den Bibel, Inhoudende dat Oude ende Nieuwe Testament (Biestkensbijbel)

¶ Dat .iij. Capittel.

¶ Vanden goeden staet ende sekerheyt der gherechter, hoe wel dat sy hier benaut ende bedroeft worden, Ende daer teghen wat ongheluck die Godloosen ende hare kinderen hebben sullen.

1

⁺ MAer^† der Rechtuaerdigher sielen, zijn in Gods hant, ende geen quale en roertse aen.

+ A vers 1

† Deut. 33.a.3.

2

^* Voor den onuerstandigen worden sy aengesien, als storuen sy,

* 2.Cor. 6.b.9. Sapi. 5.a.3. Hebr. 11.f.37.

3

Ende haer afscheyden wort voor een pijne gherekent, ende hare henenuaert voor een verderffenisse.^† Maer sy zijn in vrede.

† Sapi. 4.a.1. Esai. 56.c.14.

4

Hoe wel sy voor de menschen veel lijdens hebben, soo zijn

[p. 102v]

si nochtans van ghewisser hopen, dat sy nemmermeer en steruen.

5

Sy^† worden een weynich ghecastijt, maer veel goets sal hen ghebueren,^* want God proeftse, ende beuintse, dat si zijnder weerdich zijn.

† 1.Petri. 1.b.6 Roma. 8.b.18 2.Cor. 4.c.17

* Exo. 16.a.4 Deut. 8.a.2.

6

Hy^† proeftse, ghelijck als gout inden Ouen, ende neemtse aen, ghelijck een vette offerhande.

† Sac. 13.b.9.

7

⁺ Ende tot dier tijt, als Godt daer in sien sal,^* sullen si hel schijnen, Ende daer henen varen, ghelijck als vlammen door de stoppelen.

+ B vers 7

* Mat. 13.c.43. 1.Cor. 15.c.41

8

Sy^† sullen de Heydenen oordeelen, ende heerschappen ouer alle volcken, Ende de HEEre sal eewelijck ouer haer heerschappen.

† mat. 19.c.28. 1.Cor. 6.a.2.

9

Wandt die hem betrouwen, die beuinden dat hy trouwelijck hout, ende die daer ghetrou zijn inder liefden, die en laet hy hem niet nemen. Want sine heylighen zijn in ghenade ende bermherticheyt, Ende heeft een opsien op sine wtuercoren.

10

^+* Maer de Godloosen sullen gestraft worden, ghelijck als si vreesen, wandt si en achten des Rechtuaerdighen niet, ende wijcken vanden HEEre.

+ C vers 10

* Mat. 25.d.42

11

^† Want soo wie de wijsheyt ende de roede veracht, die is onsalich, ende haer hope is niet, ende haren arbeyt is te vergheefs, ende haer doen en is gheen nut.

† Prou. 5.c.23. 29.a.1.

12

Haer Wijuen zijn Sottinnen, ende hare kinderen boosachtich, veruloect is, soo wat van haer gheboren is.

13

^† Want salich is de onuruchtbare, die daer onbeuleckt is, die daer onschuldich is, des sondelijcken beddes, die selue sals ghenieten tot dier tijt, alsmen de sielen oordeelen sal.

† Esaie. 54.a.1 Luce. 23.d.29. Galat. 4.c.27

14

^+* Des seluen ghelijcken een onuruchtbaer man, die niet onrechts met zijnder handt en doet, noch booses teghen den HEERE en denct, dien wort gegeuen, voor zijn gheloof, een sonderlijcke gaue, ende een beter deel inden Tempel des HEEren,

+ D vers 14

* Esaie. 56.b.6

15

^† Wandt goeden arbeyt, gheeft heerlijcken loon, Ende de wortel des verstants en veruuylt niet.

† Galat. 6.a.10

16

^* Maer de kinderen der Ouerspeelders en ghedijen niet, Ende dat saet wt eenen onrechtuaerdighen bedde, sal vernielt worden.

* Eccle. 23.e.35.

17

Ende oft si al schoon langhe leefden, so moeten si doch eyndelijck te schanden worden, ende haren ouderdom sal doch ten laetsten, sonder eere zijn.

18

Maer steruen si haestelijck,^* soo en hebben si doch niet te hopen, noch troost, ter tijt des oordeels.

* Prou. 11.a.7.

19

^† Wandt de onrechtuaerdighe nemen een quaet eynde.

† Psal. 73.c.19.

20

Beter ist gheen kinderen hebben, soomen vroom is, want dat selue brengt eewich lof. Want het wort beyde by Gode ende den mensche gheroemt.

21

Waert is, daer neemtmen aen tot een exempel, maer wiet niet en heeft, die wenschet doch, ende pralet inden eewighen crantse, ende behout de ouerwinninghe des kuysschen camps.

22

Maer den vruchtbaren hoop der godloosen, en is gheen nut. Ende so wat wter hoererie gheplant wordt, dat en sal niet diepe wortelen, noch eenen ghewissen gront setten.

23

^† Ende oft si een tijt lanck aen de tacken groenen, de wijle si geheel los staen,^* worden si vanden winde beweecht, ende vanden stercken winde wtgheroeyt.

† Iere. 17.b.11. Malac. 1.a.4

* Matt. 7.c.27.

24

Ende de ontijdighe tacken worden in stucken ghebroken, ende haer vrucht en is gheen nut, onrijp te eten, ende nergens toe dueghende.

25

Want de kinderen die wt onechtelijcken byslapen geboren worden, moeten ghetuyghen vander boosheyt, tegen de Ouders, alsmense vraecht.