Den Bibel, Inhoudende dat Oude ende Nieuwe Testament (Biestkensbijbel)

¶ De Propheet Maleachi.

¶ Dat eerste Capittel.

¶ De Propheet bewijst den volcke de weldaden Gods, die hy haer van beghin aen voor de andere bewesen heeft, Hy straft hare ondancbaerheyt ende ontrouwe, ende berispt oock de ghiericheyt ende ontrouwe der Priesters, ende daer nae des ghemeynen volcx int offeren.

1

⁺ DIt is den last, die de HEEre sprack tegen Israel, door Maleachi:

+ A vers 1

2

Ick hebbe v lief, seyt de HEERE. Ende ghi segt: Waer mede hebt ghy ons lief?^† En is Esau niet Iacobs broeder? seyt de HEERE,

† Gene. 25.c.22.

3

^* Nochtans hebbe ick Iacob lief, Ende hate Esau, ende hebbe zijn ghebercht eenlijck ghemaeckt, ende zijn Erue den Draken tot eender woestijnen.

* Rom. 9.b.13

[p. 94v]

4

Ende oft Edom segghen woude: Wi zijn verdoruen, mer wy willen dat woeste weder^† bouwen, So spreect de HEERE Sebaoth alsoo:^* In dien si timmeren, Soo wil ick af breken, Ende het sal heeten, De verdoemde Contreye, ende een volc, opt welcke de HEERE vertoornt is, inder eewicheyt.

† Timmeren.

* Abdi. 1.a.4.

5

Dat sullen uwe oogen sien, ende ghy sult seggen: De HEERE is heerlijc inde Contreyen Israels.

6

^* Een soon sal sinen vader eeren, ende een knecht sinen Heere. Ben ick dan een^† Vader, Waer is mijn eere? Ben ick een^* Heere, waer^‡ vreestmen my? spreeckt de HEEre Sebaoth, tot v, O ghy Priesters, die mijnen Name veracht. Ende oft ghy segghen wout: Waer mede verachten wy dijnen Name?

* Exo. 20.a.12.

† Matth. 6.b.9 23.a.8. Ephe. 3.b.14.

* Ioan. 13.b.13 Ephe. 4.a.5.

‡ Apo. 14.a.7

7

⁺ Daer mede, dat ghy onreyn broot op mijnen Altaer offert. Ende in dien ghy segt: Waer mede offeren wy v wat onreyns? Daer mede, dat ghy segghet: Des HEEren Tafel is veracht.

+ B vers 7

8

Ende^† als ghi wat blints offert, soo en moetet niet quaet heeten, Ende als ghy wat lams oft wat crancx offert, so en moetet niet quaet heeten. Brenget dijnen Vorste, wat geldet, oft ghy hem behaghen sult? Ofte oft hy dijne Persoone aensien sal? Spreect de HEEre Sebaoth.

† Ezec. 43.e.23. Leuit. 22.c.22.

9

Soo biddet nv God, dat hy onser genadich sy, Wandt alsulcx is van v gheschiet. Meynt ghy, dat hy uwe personen aensien sal? spreect de HEERE Sebaoth.

10

Wie isser oock onder v, die een duere toesluyte? Ghy en steect oock mijnen Altaer gheen vier aen om niet,^† Ick en hebbe gheen behagen aen v, spreect de HEEre Sebaoth. Ende dat Spijsoffer van uwen handen en is my niet aenghenaem.

† Genes. 4.a.5.

11

^+* Maer vander Sonnen opganc totten nederganc toe, sal mijnen Naem heerlijck worden, onder de Heydenen, ende op alle plaetsen sal mijnen Naem gerooct, ende een reyn Spijsoffer gheoffert worden. Want mijnen Naem sal heerlijc worden onder de Heydenen, spreeckt de HEEre Sebaoth.

+ C vers 11

* Psalm. 113.a.3 Esai. 59.c.19.

12

Maer ghy ontheylicht hem, Daer mede, dat ghy segt: Des HEEren tafel is onheylich, ende sinen Offer is veracht, tsamen met zijnder spijse.

13

Ende ghy segt: Siet, het is slechs moeyte, ende ghy slaet het inden wint, seyt de HEEre Sebaoth. Ende ghy offert, dat gerooft, lam ende cranck is, Ende offert dan Spijsoffer, Soude my sulcx behagen, van uwer hant? seyt de HEEre.

14

Veruloect sy de bedriegher, die in zijnder cudde een^* Hy heeft, Ende als hy een geloofte doet, den HEEre offert, dat niet en dooch. Want ic ben een groot^† Coninc, seyt de HEERE Sebaoth, Ende mijnen Naem is verschrickelijck onder de Heydenen.

* Manneken.

† Ierem. 10.a.7 1.Tim. 6.c.15. Apo. 15.a.3. 17 c.14. 19.b.16.