Den Bibel, Inhoudende dat Oude ende Nieuwe Testament (Biestkensbijbel)

¶ Dat .ij. Capittel.

¶ Hy roept Godt aen inden buyck des vischs, ende looft hem, de visch worpt hem weder op dlant leuende.

1

⁺ ENde Ionas badt tot den HEEre sinen God, inden lijue des Vischs, ende sprack:

+ A vers 1

2

^* Ic riep totten HEERE in mijnen angst, ende hy antwoorde my. Ick riep wt den buyck der Hellen, ende ghy verhoorde mijn stemme.

* Psa. 3.a.5. 18 a.7. 118.a.5. 120.a.1. Treno. 3.e.55.

3

Ghy worpt my midden inder zee in de diepte, dat my de vloeden omuingen,^† Alle dijne baren ende goluen ghingen ouer my.

† Psal. 42.b.8.

4

Dat ic dachte, dat ic geheel van uwen ooghen verstooten ware, Dat ick uwen heyligen Tempel niet meer sien en soude.

5

^+* Wateren omuinghen my tot aen mijn leuen, De diepte omringhelde my. Lisch bedecte mijn hooft.

+ B vers 5

* Psal. 69.a.1. 124.a.5.

6

Ic sanck onderwaerts tot der bergen gront, De Aerde hadde my met hare grendelen besloten eewelijck. Maer ghy hebt mijn leuen wt dat verderuen gheuoert, HEERE mijn Godt.

7

Doen mijn siele by my versaechde, gedacht ic des HEEREN,^* Ende mijn gebet quam tot v in uwen heyligen Tempel.

* Psal. 18.a.7.

8

Die daer^† houden ouer den Nietigen, verlaten hare ghenade.

† De ydelheyt voorstaen.

9

^* Maer ick wil met dancke offeren,^* Mijne ghelooften wil ick den HEEre betalen, om dat hy my gheholpen heeft.

* Ps. 50.b.14.

* Ps. 116.c.14

10

Ende de HEEre sprack totten vissche, ende die selue spoude Ionam weder wt aent lant.