Den Bibel, Inhoudende dat Oude ende Nieuwe Testament (Biestkensbijbel)

¶ Dat .ix. Capittel.

¶ Godt thoont den Propheet wat slach datter inden volcke aenstaende is.

1

⁺ENde hy riep met luyder stemmen, voor mijnen ooren, ende sprack: Latet herwaerts comen de besoeckinghe der stadt, Ende een yeghelijck hebbe een moordelijck wapen in zijn handt.

+ A vers 1

2

Ende siet, daer quamen ses mannen opten wech, van de hooghe poorte herwaerts, die teghen het Noorden staet, ende een yeghelijck hadde een schadelijc wapen in zijn hant.^* Maer daer wasser een onder haer, die hadde lijnen cleederen aen, ende eenen schrijfkoker aen zijnder sijden, Ende sy ghingen in, ende traden neffens den Metalen Altaer.

* Ezech. 10.a.2.

3

^† Ende de heerlijcheyt des Gods Israels verhief haer vanden Cherub, daer sy ouer was, totten dorpel vanden huyse ende riep den genen die de lijnen cleederen aen hadde, ende den schrijfkoker aen zijnder sijden.

† Exo. 40.c.34 Num. 9.c.15. 3.Reg. 8.b.10.

4

Ende de HEERE sprack tot hem: Gaet door de stadt Ierusalem,^† ende teeckent met een teecken, aen dat voorhooft, de Lieden die daer suchten, ende trueren ouer alle grouwelen, die daer in gheschieden.

† Exod. 12.a.7. Apoc. 7.a.3.

5

Maer tot ghenen sprack hy, dat ict hoorde: Gaet desen na door de stadt, ende slaet daer onder.^+* Vwe ooghen en sullen niet sparen, noch voorby gaen.

+ B vers 5

* Iudic. 2.a.6.

6

^* Verworcht, beyde Oude, Iongelinghen, Maechden, Kinderen ende Wijuen, alle doot. Maer die dat Teecken aen haer hebben, van dien en sult ghy geenen aenroeren.^* Maer begint aen mijn Heylichdom. Ende sy begosten aen de Oude lieden, die voor den huyse waren.

* Vermoort.

* Iere. 25.d.29. 49.b.12. 1.Pet. 4.c.17

7

Ende hy sprac tot hen: Veronreynicht dat huys, ende maect den voorhof vol dooder lichamen. Gaeter wt, Ende sy ghinghen daer wt, ende sloeghen inde stadt.

8

Ende als sy nv den slach voleynt hadden, so was ic noch ouergebleuen. Ende ick viel op mijn aensicht, riep, ende sprack: Ach HEEre HEEre, wilt ghy dan alle ouerghebleuen in Israel verderuen? Dat ghy uwen toorne soo wtstort ouer Ierusalem?

9

Ende hy sprac tot my: De misdaet des huys Israels ende Iuda is bouen maten groot. Daer is enckel gewelt inden lande, ende onrecht inder stadt. Want sy seg-ghen: De HEEre heeft dat lant verlaten,^† Ende de HEEre en siet ons niet.

† Iob. 22.b.13. Esaie. 29.c.15. 47.b.10. Eccle. 23.d.25. Iere. 23.d.24 Ezech. 8.b.13.

10

Daerom^* en sal mijn ooge ooc niet sparen, Ic en wil ooc niet genadich zijn. Mer ic wil haer doen op haren Cop werpen.

* Ezech. 7.b.9

11

Ende siet, de man die de lijnen cleederen aen hadde, ende den schrijfkoker aen zijnder sijden, antwoorde, ende sprack: Ic hebbe ghedaen, ghelijck ghy my gheboden hebt.