Den Bibel, Inhoudende dat Oude ende Nieuwe Testament (Biestkensbijbel)

¶ Dat .iiij. Capittel.

¶ Vanden Iammer die haer daer nae onmoeten sal, met beloften der ghenaden, ende troosts door Christum.

1

⁺IN dier tijt sal des HEEren spruyte lief ende weert zijn,

+ A vers 1

2

Ende de vrucht der Aerden heerlijck ende schoon, byden ghenen die daer behouden worden in Israel.

3

Ende^† soo die daer ouerblijuen sal te Sion, ende ouerschiet te Ierusalem, die sal heylich heeten,^* Een yeghelijck die daer gheschreuen is onder^† de leuendighe te Ierusalem.

† Esaie. 62.c.12.

* Ezech. 13.b.9.

† Ephe. 2.a.4 Rom. 6.b.13. Coll. 2.b.13. 1.Pet. 2.a.5.

4

Dan^* sal de HEERE de onreynicheyt der dochteren Sions afwasschen, ende de bloetschulden Ierusalems van haer verdrijuen, door den gheest, die oordeelen, ende een Vyer aensteken sal.

* 1.Cor. 6.b.11 Ephes. 5.c.26.

5

⁺Ende de HEEre sal schicken ouer alle wooninghen des berchs Sion, ende so waer sy vergadert is,^† Wolcken ende roock des daechs, ende vyer schijnselen die daer branden des nachts.

+ B vers 5

† Exod. 13.d.21. Psal. 78.b.14 105.e.39.

6

Want daer sal een bescherminghe zijn ouer alle wat heerlijck is,^† Ende sal een Hutte zijn tot een schaduwe des daechs voor de hitte, ende een toeulucht ende verberghinghe voor donweder ende den regen.

† Psal. 91.a.1. 121.a.5. Esaie. 25.a.4.