Den Bibel, Inhoudende dat Oude ende Nieuwe Testament (Biestkensbijbel)

¶ Dat .iij. Capittel.

1

⁺ ICk sochte snachts in mijn bedde, dien mijn siele bemint.^* Ic socht hem, maer ic en vant hem niet.

+ A vers 1

* Canti. 5.b.6.

2

Ic wil op staen, ende in de Stadt om gaen, op de steechskens ende straten, ende soecken dien, die mijn siele bemint. Ic sochte, maer ic en vant hem niet.

3

De wachters die in de Stadt omme gaen, die vonden my. En hebt ghi niet ghesien, die mijne siele bemint?

4

Doen ick een weynich voorby hen quam, daer vant ick dien mijn siele beminnet. Ic houde hem, ende en wil hem niet verlaten tot dat ic hem brenge in mijnder moeder huys, in mijnder moeder camer.

5

^* Ick besweere v ghy dochteren Ierusalems, by de Rehen oft Hinden opten velde, dat ghy mijne vriendinne niet op en wect noch en roert, tot dattet haer seluer lustet.

* Canti. 2.b.7. 8.a.4.

6

Wie is die, die opwaerts gaet wt der woestijnen, gelijc eenen rechten ruec,⁺ gelijc een geruec van Myrren, wierooc, ende alderley puluer eens Apotekers?

+ B vers 6

7

Siet, rontsom dat bedde Salomons staen tsestich stercke wt den stercken in Israel.

8

Sy houden alle sweerden, ende zijn bequaem te strijden. Een yegelijc heeft zijn sweert aen zijn dgye, om der vreesen willen inder nacht.

9

De Coninc Salomo liet hem een bedstede maken van hout wt Libanon:

[p. 239r]

10

Der seluer columnen waren silueren, dat decsel gulden, dat sitten purpuren, den vloer midden in was lieflijck geplaueyt, om der dochteren te Ierusalem wille.

11

Gaet wt, ende sietet ghy dochteren Sion den Coninck Salomo inde croone, daer mede hem zijn moeder gecroont heeft, inden daghe zijns hoochtijts, ende inden dage der blijschappen zijns herten.