Den Bibel, Inhoudende dat Oude ende Nieuwe Testament (Biestkensbijbel)

¶ Dat .xx. Capittel.

1

⁺ DEn^† wijn maect loose Lieden, ende stercken drancke maect wilde, wie daer lust toe heeft, die en wort nemmermeer wijs.

+ A vers 1

† 3.Esd. 3.c.18. Ephe. 5.b.18.

2

^* Dat verschricken des Conincks is gelijc dat briesschen eens Iongen Leeus: Wie hem vertoornt, die sondighet tegen zijn leuen.

* Prou. 24.c.21

3

Het is den man een eere, vanden twist te blijuen: Maer die gheerne kijuen, dat zijn altemael sotten.

4

Om der couden wille,^* en wil de luye niet ploeghen, Soo moet hy oock inden oogst bedelen, ende niet vercrijghen.

* Prou. 6.a.6. 13.a.4.

[p. 231v]

5

Den raet inder herten eens mans, is ghelijc diepe wateren: Maer een verstandich man cant mercken, wat hy meynt.

6

Vele menschen worden vroom geroemet: Mer wie wil vinden eenen, die oprechtelijck vroom sy?

7

^† Een rechtuaerdich mensche, die in zijnder vroomheydt wandelt, dies kinderen salt wel gaen nae hem.

† Tob. 14.d.18. Psal. 37.d.25.

8

⁺ Een Coninck die opten stoele sidt te oordeelen, verstroyt alle quaet met sinen ooghen.

+ B vers 8

9

Wie^* can gheseggen: Ick ben reyn in mijn herte? Ende suyuer van mijnen sonden.

* 3.Re. 8.d.46. 1.Ioan. 1.b.8. 2.Par. 6.f.36.

10

^† Menigerhande ghewichte ende mate, is alle beyde een grouwel den HEEre.

† Prou. 11.a.1 20.d.23.

11

^‡ Oock kentmen een knechtken aen zijn doene, oft hy vroom ende redelijck worden wilt.

‡ Pro. 22.a.6.

12

Een hoorende oore ende siende ooghe, die maect de HEEre alle beyde.

13

En bemint den slape niet, dat ghi niet arme en wort: Laet uwe ooghen wacker zijn, so sult ghy broots ghenoech hebben.

14

Quaet, quaet, seytmen alsment heeft: Maer alst wech is, so prijstmen het dan.

15

⁺ Daer is gout ende vele peerlen: Maer eenen vernuftighen mondt, is een edel cleynoot.

+ C vers 15

16

^† Neemt dien zijn cleet, die voor eenen anderen borghe wordt, ende pandet hem om des onbekenden wille.

† Prou. 6.a.1. 27.b.13.

17

Dat ghestolen broot smaect yeghelijcken wel: Maer daer nae sal hem den mont vol keselinghen worden.

18

Aenslaghen bestaen, alsmense met rade voert: Ende^† oorloghe salmen met vernufte voeren.

† Pro. 24.a.6.

19

^* Weest met dien onuerwerret, die heymelijcheyt openbaert, ende met den achterclapper, ende met den valschen mont.

* Eccle. 22.d.27 27.c.19.

20

^† Wie sinen vader ende zijnder moeder vloect, dies keersse sal wtghebluscht worden midden int duystere.

† Exod. 21.b.17 Leuit. 20.b.9.

21

Dat^* erue daermen metten eersten seer nae haest, en sal ten laetsten niet gheseghent zijn.

* Prou. 28.c.20. 1.Tim. 6.b.9. 2.Reg. 15.a.1.

22

⁺ En segt niet:^† Ic wil dat quaet verghelden: Verbeyt den HEEre, die sal v helpen.

+ D vers 22

† Mat. 5.e.39. Roma. 12.c.17 1.Pet. 3.b.9. Prou. 17.b.13

23

Menigerley gewichte, is den HEEre eenen grouwel: Ende een valsche waghe en is niet goet.

24

^* Eens yeghelijcks ganghen comen vanden HEEre: Welcke mensche verstaet sinen wech?

* Iere. 10.d.23.

25

Het is den mensche eenen strick, dat heylighe te lasteren, ende daer nae met gheloften om gaen.

26

^* Een wijse Coninck verstroyt de godtloose, ende brengt dat rat ouer hen.

* 3.Reg. 2.d.22.

27

De^† luchte des HEEREN is des menschen adem, die gaet door dat gantsche herte.

† Luchte, dat is Godts troost ende ghenadighen wille.

28

Goedertieren^* ende warachtich zijn, bewaret den Coninck, ende sinen stoele wordt door goedertierenheyt beuesticht.

* pro. 29.b.14

29

Der ionghelinghen sterckte, is haren prijs:^† Ende grijsch hayr, is der ouden chieragie.

† Prou. 16.d.31

30

Men moet den boosen weeren met haerder straffinghe, ende met ernstelijcke slaghen, diemen voelet.