Den Bibel, Inhoudende dat Oude ende Nieuwe Testament (Biestkensbijbel)

¶ Dat .xvj. Capittel.

1

⁺ DE mensche settet hem wel wat voor inder herten:^* Maer vanden HEERE coemt, wat de tonghe spreken sal.

+ A vers 1

* Mat. 10.b.19. Luce. 12.b.11. 21.b.15.

2

^† Eenen yeghelijcken duncken zijne wegen reyn zijn:^* Mer alleen de HEERE maket dat hert ghewisse.

† Prou. 21.a.2

* Psal. 33.c.15.

3

^* Beueelt den HEEre uwe wercken, Soo sullen uwe aenslaghen voort gaen.

* Psal. 37.a.5.

4

De HEEre maket alle dinc om zijns selfs wille: Oock den godtloosen totten quaden daghe.

5

Een stout herte is den HEEre een afgrijselijckheyt, ende ten sal niet onghestraft blijuen, al ist dat si hen ooc alle aen malcanderen hanghen.

6

^† Door goedertierenheydt ende trouwe wort de misdaet versoent:^* Ende door de vreese des HEEren mijdet men dat quaet.

† Luce. 11.d.40

* Eccle. 1.d.27

7

^† Als yemants weghen den HEEre wel behaghen, soo maeckt hy oock zijne vianden met hem te vreden.

† 3.Mach. s.202

8

^+* Het is beter weynich met gherechtigheyt, dan vele incomens met onrecht.

+ B vers 8

* Prou. 15.b.16 Psal. 37.b.16. Eccle. 29.d.30 1.Tim. 6.8.

9

Des menschen herte slaet sinen wech aen. Maer de HEEre alleen gheeft, dat hy voort gaet.

10

Prophetie is inden mont des Conincx: Sijnen mondt en faelgeert niet int gherichte.

11

Een^† rechte Waghe ende ghewichte is vanden HEERE: Ende alle ponden inden sacke zijn sine wercken.

† Prou. 11.a.1.

12

Voor den Coninghen onrecht doen, is eenen grouwel: Want door gherechticheyt wordt den Throon beuesticht.

13

^† Recht raden behaecht den Coningen wel: Ende soo wie recht toe radet, die wort bemint.

† 2.Re. 17.b.14

14

De verbolghentheyt des Conincx, is een bode des doots: Maer een wijs man sal hem versoenen.

15

Als des Conincx aensicht vriendelijc is, dat is dat leuen: Ende sine ghenade is ghelijck eenen auontreghen.

16

^+* Neemt aen de wijsheyt, want sy is beter dan gout: Ende verstant hebben, is edelder dan siluer.

+ C vers 16

* Prou. 3.b.15. 8.b.10. Iob. 28.b.19.

17

Der vromen wech schouwet dat quade: Ende wie sinen wech bewaert, die behout zijn leuen.

18

Wie^† te gronde gaen sal, die wort te voren stout: Een hoouaerdich ende stout ghemoet coemt voor den valle.

† Prou. 18.b.12.

19

Het is beter neder van gemoede zijn met den ellendigen,^† dan roof wtdeylen met den hoouaerdighen.

† Esaie. 9.a.2.

20

Wie een sake cloeckelijck voeret, die vindet gheluck:^† Ende wel dien, die hem opten HEEre verlaet.

† Psalm 2.b.12 34.a.9. 84.b.13.

21

Een verstandighe wordt gheroemet voor eenen wijsen man: Ende lieffelijcke reden leeren wel.

22

Cloeckheydt is een leuende fonteyne, dien, diese heeft: Maer de tucht der sotten is sotheyt.

[p. 230v]

23

Een wijs herte spreect cloeckelijck, ende betert de leeringhe in sinen lippen.

24

De redenen des vriendelijcken, zijn Honichseem: Troosten de sielen, ende verhueghen de ghebeenten.

25

^* Menighen behaghet eenen wech wel: Maer zijn laetste gaet totten doot.

* Prou. 14.b.12

26

Menich coemt tot groot ongheluck door sinen eyghen mont.

27

⁺ Een loos mensche graeft nae ongheluck: Ende in sinen monde brant vier.

+ D vers 27

28

Een verkeert mensche richtet twist aen, ende een achterclapper maect de Vorsten oneens.

29

Een vermeten mensch, loct sinen naesten, ende en leyt hem op gheenen goeden wech.

30

^† Wie metten ooghen wencket, die en denct niet goets: Ende soo wie metten lippen beteekent, die volbrengt dat quaet.

† Prou. 6.b.13. 10.b.10. Eccle. 27.d.25

31

^* Grijse hayren zijn een croone der eeren, die opten wech der gherechticheyt gheuonden worden.

* Leui. 19.g.32 Prou. 20.d.29

32

Een verduldich man, is beter dan een sterck man: Ende die zijns moets een Heere is, dan de ghene die steden winnet.

33

^* Tlot wort inden schoot geworpen: Maer het valt, als de HEEre wil.

* Acto. 1.d.26. 1.Par. 26.b.8 Ione. 1.b.7.