Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxliij. Psalm.

Eenen Psalm Dauids.

1

⁺HEEre, verhoort mijn gebet:^† Verneemt mijn smeecken om ws waerheyts wille: Verhoort my om uwer gherechticheyt wille.

+ A vers 1

† Psal. 102.a.1.

2

Ende en gaet niet int gherichte met uwen knecht^† want voor v en is gheen leuendich mensch rechtuaerdich.

† Psal. 130.a.3. Iob. 4.b.17. 25.a.4. Eccles. 7.c.21. Nahu. 1.a.3. 4.Esd. 8.d.35 1.Ioan. 1.b.8.

3

Want de Viant veruolcht mijn siele, ende slaet mijn leuen in stucken ter Aerden: Hy leyt my int duyster ghelijck de dooden inder werelt.

4

Ende mijnen gheest is in my beancxt: Mijn hert is my in mijn lijf verteert.

5

^* Ick ghedencke aen de voorleden tijden: Ick spreke van alle uwe daden, ende segghe van de wercken uwer handen.

* Psal. 77.a.6.

6

^* Ick breyde mijn handen wt tot v:^† Mijn siele dorst na v, als een dorre Lant. Sela.

* Psal. 63.a.1.

† Psa. 42.a.3. 63.a.2.

7

⁺HEEre verhoort my haestelijck, mijnen gheest vergaet: En verbercht dijn aensicht niet van my, dat ick niet en worde gelijck de ghene die inde cuylen varen.

+ B vers 7

8

Laet my vroech hooren uwe ghenade, want ick hope op v: Maect my den wech condt daer ic op gaen sal,^* want my verlangt na v.

* Psal. 25.a.1.

9

Verlost my mijn Godt van mijne vianden, tot v heb ick toeulucht.

10

Leert my doen na dijnen welgheuallen, want ghy zijt mijn Godt: Vwen goeden gheest leyde my op effender bane.

11

HEEre verquict my om ws Naems wille: Leydt mijn siele wter noot om uwer gherechticheyt wille.

12

Ende verstoort mijn vianden om uwer goetheyt wille, ende vernielt alle die mijn siele quellen,^* want ick ben dijn knecht.

* Sap. 9.a.5. Psal. 116.c.16.