Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxlij. Psalm.

1

Een onderwijsinghe Dauids te bidden, doen hy inden Cuyle was.

2

⁺ICk^* crijsche totten HEEre met mijnder stemmen: Ick smeecke den HEEre met mijnder stemmen.

+ A vers 2

* Psal. 77.a.1

3

Ick schudde mijn reden voor hem wt ende vertoone voor hem mijnen noot.

4

Wanneer mijnen geest in ancxten is, so neemt ghy v mijnder aen:^* Sy leggen my stricken op den wech daer ic op gae.

* Psal. 140.a.6 141.b.9. Iere. 18.c.22.

5

Merct ter rechter hant, ende siet, daer en wil my niemant kennen:^† Ick en can niet ontulieden, niemant en neemt hem mijnder sielen aen.

† Iere. 25.e.35

6

HEEre, tot v crijsche ick ende segghe:^† Ghy zijt mijn toeuerlaet^* mijn deel int Landt der leuendighen.

† Psal. 18.b.9. Eccl. 34.c.16.

* Psal. 16.a.6 73.c.26. Tren. 3.c.24.

7

Merct op mijn claghe, want ick worde seer gheplaecht: Verlost my van mijn veruolghers, want sy zijn my te machtich.

8

Leydt mijn siele wten Kercker, dat ic uwen Naem dancke: De gherechtighe sullen hen tot my vergaderen, wanneer ghy my wel doet.