Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxxxviij. Psalm. Dauidts.

1

⁺ICk^† dancke v van geheelder herten, voor de goden wil ick v Lofsinghen.

+ A vers 1

† Psal. 9.a.1. 111.a.1.

2

^* Ick wil aenbeden tot uwen heyligen Tempel, ende uwen Naem dancken, voor uwe goetheyt ende trouwe: Want ghy hebt uwen Naem ouer alle dinck heerlijck ghemaect door v woort.

* Psal. 5.a.8.

3

Wanneer ick v aenroepe, so verhoort my, ende geeft mijnder sielen groote cracht.

4

HEEre, alle Coninghen op Aerden dancken v, dat sy hooren dat woordt ws monts.

5

Ende singhen op den wech des HEEren, dat de eere des HEEren groot sy.

6

^* Want de HEEre is hooghe, ende siet op dat nederighe, ende kent den stouten van verre.

* Psal. 113.a.5.

7

Wanneer ick midden inden ancxt wandele, so verquict ghy my, ende strect uwe hant ouer den thoorne mijnder vianden, ende helpt my met uwer rechter hant.

8

De HEEre sal dies een eynde maken om mijnent wille, HEEre uwe goetheit is eewich:^* En wilt doch dat werck uwer handen niet verlaten.

* Iob. 14.b.15.