Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxxxvij. Psalm.

1

⁺AEn de^† wateren te Babel saten wy, ende weenden, wanneer wy aen Sion dachten.

+ A vers 1

† Ezech. 1.a.1. 3.c.14.

2

Onse Harpen hingen wy aen de wilghen, die daer in zijn.

3

Want aldaer hieten ons singhen, die ons gheuanghen hielden, ende in onsen huylen vrolijck zijn, Lieue, singhet ons een liedt van Sion.

4

Hoe^† souden wy des HEEren Liet singhen in vreemden Landen?

† Matt. 7.a.6.

5

Verghete ick ws Ierusalem, so worde mijn rechterhant vergheten.

[p. 224r]

6

⁺Mijn tonghe moet aen mijn gehemelte cleuen, ist dat ick ws niet en gedencke, Ist dat ick Ierusalem niet en late mijn hoochste vruechde zijn.

+ B vers 6

7

^† HEEre gedenct der kinderen Edom inden dach Ierusalem, die daer segghen: Reyn af, reyn af, tot op haren bodem.

† Iere. 49.d.20 Ezech. 25.b.13 Abdi. 1.a.1.

8

^* Ghy verstoorde dochter Babel, wel dien die v verghelt, ghelijck ghy ons gedaen hebt.

* Esai. 13.c.16 Iere. 50.a.1. 51.a.1.

9

Wel dien, die uwe ionghe kinderen neemt, ende in stucken smijtet aenden steen.