Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxxiij. Psalm.

Een Liedt int hooghe Chore.

1

⁺ICk heffe mijn ooghen op tot v,^* ghy die inden Hemel sit.

+ A vers 1

* 2.Par. 6.d.18. Esaie. 66.a.1.

2

Siet, gelijck de Ooghen der knechten, op de Handen haerder Heeren sien.

Ghelijck de Ooghen der Maerten, op de handen haerder Vrouwen.

^* Also sien onse ooghen op den HEEre onsen Godt, tot dat hy ons ghenadich worde.

* Psal. 141.b.8

3

^* Sijt ons ghenadich HEEre, zijt ons genadich, want wy zijn seer vol verachtinghe.

* Psal. 67.a.1.

4

Seer vol is onse siele der stouten spot, ende der hoouaerdigher verachtinghe.