Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxxiiij. Psalm.

Een Liedt Dauids int hooge Chore.

1

⁺VVaert dat de HEEre niet by ons en waer, so segghe Israel.

+ A vers 1

2

Waert dat de HEEre niet by ons en ware, wanneer de menschen haer teghen ons setten.

3

^* Soo verslonden sy ons leuendich, wanneer haren toorn ouer ons vergramde.

* Prou. 1.a.12.

4

Soo versope ons water, stroomen ghinghen ouer onse sielen.

5

^* De wateren ghinghen al te hooch ouer onse sielen.

* Psal. 69.a.1. Ione. 2.a.5.

6

Gheloeft sy de HEEre, dat hy ons niet en gheeft ten rooue in haer tanden.

7

Onse siele is ontcomen gelijck een Voghel den strick des Vogeluanghers, den strick is ghebroken, ende wy zijn los.

8

^* Onse Hulpe staet inden Naem des HEEren,^† die Hemel ende Aerde ghemaect heeft.

* Psal. 3.a.9. 121.a.2.

† Gene. 1.a.1. Psal. 146.a.6. Act. 14.b.14.