Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxxij. Psalm.

Een Liet Dauids int hooge Chore.

1

⁺ICk verhuege my des, dat my gheseyt is^* dat wy sullen int huys des HEEren gaen.

+ A vers 1

* Esaie. 2.a.3.

2

Ende dat onse Voeten sullen staen in uwe poorten Ierusalem.

3

^* Ierusalem is ghebouwet dattet een stadt si, daermen te samen comen sal.

* Apoc. 21.a.2.b.10.

4

Daer de stammen opwaerts gaen sullen, namelijck de stammen des HEEren, om te prediken den Volcke Israels, om te dancken den Naem des HEEREN.

5

⁺Want aldaer sitten de stoelen ten gherichte, stoelen des huys Dauids.

+ B vers 5

6

^* Wenschet Ierusalem gheluck: Het moet wel gaen den ghenen die v beminnen.

* Tob. 13.c.18.

7

^* Vrede moet zijn inwendich in uwen mueren, ende gheluck in uwen Palleysen.

* Ioan. 14.c.27 Collos. 3.b.15.

8

Om mijnder broederen ende vrienden wille, wil ick v vrede wenschen.

9

Om des huys wille des HEEren onses Gods, wil ic v dijn beste soecken.