Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxj. Psalm.

Haleluia.

1

⁺ICk^† dancke den HEEre van gantscher herten, inden raet der vroomen, ende inder ghemeynte.

+ A vers 1

† Eccle. 51.a.1. Psalm. 9.a.1. 138.a.1.

2

^* Groot zijn de wercken des HEEren, wie haerder acht, die heeft enckel lust daer aen.

* Psal. 92.a.6 106.a.2. Eccl. 43.d.42

3

Wat hy ordineert, dat is loflijck ende heerlijck, ende zijn gherechticheydt blijft eewelijck.

4

Hy heeft een gedachtenisse ghemaect, zijnder wonderen, de ghenadighe ende barmhertighe HEEre.

[p. 220r]

5

^* Hy gheeft spijse den genen die hem vreesen,^† hy denct eewelijck aen zijn verbondt.

* Psal. 34.b.10.

† Gene. 15.c.13

6

⁺Hy laet vercondighen sine gheweldighe daden sinen volcke,^* dat hy hen geue dat erue der Heydenen.

+ B vers 6

* Ps. 105.e.44.

7

De wercken zijnre handen zijn Waerheyt ende Recht, alle zijn gheboden zijn oprecht.

8

Sy worden gehouden altijt ende eewelijck, ende gheschieden trouwelijck ende redelijck.

9

^* Hy seyndet een verlossinghe zijnen volcke, hi belouet, dat zijn verbont eewelijck blijuen sal.

* Psal. 105.e.37

10

Heylich ende heerlijc is sinen Naem:^† De vreese des HEEren is der wijsheyt beghintsel.

Dat is een schoone cloecheyt, wie daer nae doet, diens Lof blijft eewelijck.

† Iob. 28.c.29. Prou. 1.a.7. 9.b.10. Eccle. 1.c.16.