Den Bibel, Inhoudende dat Oude ende Nieuwe Testament (Biestkensbijbel)

¶ Den .Cx. Psalm.

Eenen Psalm Dauids.

1

⁺DE HEEre^† sprac tot mijnen Heere: Settet v tot mijnder rechter hant, tot dat ick uwe Vianden tot een schabelle uwer voeten legghe.

+ A vers 1

† mat. 22.d.44 1.Cor. 15.c.25. Hebre. 1.b.13. 10.b.13. Acto. 2.e.34.

2

De HEEre sal dat Scepter ws Rijcx seynden wt Sion: Domineert onder uwe Vianden.

3

Na uwer ouerwinninghe,^† sal v dijn volck ghewillichlijck offeren, in heylighe chieragie, Vwe kinderen worden v gheboren ghelijck den dauwe wt den Morghenstont.

† Roma. 12.a.1. 1.Pet. 2.a.5. Hebre. 13.b.15

4

^† De HEERE heeft ghesworen, ende en sal hem niet berouwen: Ghy zijt een Priester eewelijck na der wijse Melchizedeck.

† Hebre. 7.c.17 5.a.6.

5

De HEEre tot uwer Rechter hant,^† sal in stucken smijten de Coningen, ter tijt zijns toorens.

† Psalm. 2.b.9.

6

^* Hy sal richten onder de Heydenen. Hy sal groote slachtinghe doen: Hy sal in stucken smijten dat hooft ouer groote Landen.

* Esaie 2.a.4. Mat. 25.c.30. Psal. 96.b.13.

7

Hy sal drincken vander Beecke op den wech, daerom sal hy dat hooft opheffen.