Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxij. Psalm.

Haleluia.

1

⁺VVel^† dien die den HEEre vreest, die groote lust heeft tot sinen gheboden.

+ A vers 1

† Psal. 128.a.1. Eccle. 1.c.19. 34.c.17.

2

Diens saet sal geweldich zijn op Aerden:^† Dat geslachte der vroomen sal gheseghent zijn.

† Psal. 37.d.26.

3

Rijckdom ende de volheydt sal in haren huyse zijn, ende haer gherechticheydt blijft eewelijck.

4

^* Den vroomen gaet dat licht op inder duysternissen, vanden ghenadighen, barmhertighen ende gherechtighen.

* Psal. 97.b.11.

5

^† Wel dien, die barmhertich is, ende geerne leent, Ende richtet zijn saken wt, dat hy niemant onrecht en doe.

† Psal. 37.c.21.d.26. Prou. 19.c.17.

6

Want hy sal eewelijck blijuen:^* Des Rechtuaerdighen en wort nemmermeer vergheten.

* Pro. 10.a.7. Esai. 49.c.14

7

^+† Wanneer een plaghe comen wil, so en vreest hy hem niet: Sijn herte hoopt onuersaecht op den HEEre.

+ B vers 7

† Psal. 27.a.1. Prou. 3.c.24. Eccle. 34.c.16

8

Sijn herte is ghetroost, ende en vreest hem niet, tot dat hy sinen lust aen zijn Vianden siet.

9

^* Hy stroyt wt, ende gheeft den Armen: Sijn gherechticheydt blijft eewelijck, sinen hoorne wordt verhoocht met eeren.

* Prou. 11.c.24 2.Cor. 9.b.9. Tob. 1.c.17. 4.b.5.c.13. Eccle. 7.d.35.

10

De Godtloose salt sien, ende het sal hem verdrieten:^† Sijn tanden sal hy te samen bijten, ende vergaen, want wat de Godtloose gheerne wouden, dat is verloren.

† Psa. 37.b.12