Den Bibel, Inhoudende dat Oude ende Nieuwe Testament (Biestkensbijbel)

¶ Den .Cviij. Psalm.

1

Een Psalm liet Dauids.

2

⁺GOd het is mijn rechte ernst,^† ic wil singhen ende dichten, mijn eere oock.

+ A vers 2

† Psal. 57.b.8.

3

Wel op Psalter ende Herpen: Ick wil vroech op zijn.

4

Ick wil v dancken HEEre onder de volcken: Ick wil v lof singhen onder de lieden.

5

^* Want dijne ghenade reyct soo wijt als den Hemel is, ende dijne waerheydt soo wijdt als de wolcken gaen.

* Psal. 57.b.11. 103.b.11.

6

Verheft v Godt ouer den Hemel, ende uwe eere ouer alle Landen.

7

Op dat dijne lieue vrienden verlost worden, helpt met uwer rechter hant, ende verhoort my.

8

^* God spreect in zijn heylichdom, dies ben ick vrolijck, ende wil Sichem deylen, ende dat dal Suchot af meten.

* Psal. 60.b.8.

9

⁺Gilead is mijn: Manasse is ooc mijn: Ende Ephraim is de macht mijns hoofts:^† Iuda is mijn Vorst.

+ B vers 9

† Gen. 49.b.10

10

Moab is mijnen waschpot: Ick wil mijnen schoen ouer Edom strecken, ouer de Philisteen wil ick iuychen.

11

Wie wil my leyden in een vaste stadt? Wie sal my leyden in Edom?

12

En suldijt niet doen Godt, ghy die

[p. 219v]

ons verstoot? Ende en trect niet wt Godt met onsen heyre?

13

^* Doet ons bystant inder noot, want menschen hulpe is gheen nutte.

* Psal. 60.b.15.

14

Met Godt willen wy daden doen, hy sal onse vianden ondertreden.