Den Bibel, Inhoudende dat Oude ende Nieuwe Testament (Biestkensbijbel)

¶ Den .Cvj. Psalm.

Haleluia.

1

⁺DAnct^† den HEERE, want hy is vriendelijc: Ende zijn goetheyt duert eewelijck.

+ A vers 1

† Iudit. 13.c.17. Psal. 118.a.1.

2

^* Wie can de groote daden des HEEren wtspreken? Ende alle sine loffelijcke wercken prijsen?

* Eccl. 43.d.24

3

^* Wel den ghenen die dat ghebodt houden, ende doen altijt recht.

* Math. 7 c.21. Luce. 11.c.28. Roma. 2.b.13.

4

HEERE ghedenct mijnder, nae der ghenade die ghy uwen volcke ghelooft hebt, bewijst ons uwe hulpe.

5

Dat wy sien mogen de weluaert uwer wtuercoren, ende ons verhueghen, dattet dijnen volcke wel gaet, ende ons roemen met uwen Erfdeel.

6

^* Wy hebben ghesondicht met onsen vaderen: Wy hebben mishandelt ende zijn godloos gheweest.

* Iudit. 7.e.20. Danie. 9.a.5.

7

Onse^† vaderen in Egipten en wouden uwe wonderen niet verstaen: Sy en gedachten niet aen uwe groote goetheydt: Ende waren onghehoorsaem aen de zee, te weten aen de roode zee.

† Exodi. 4. 5.

8

Maer hy hielpse om zijns Naems wille, dat hy zijn macht bewijsen soude.

9

⁺Ende hy^† schelde de roode zee, doen wertse drooge: Ende leydese door de diepte ghelijck in eender woestijnen.

+ B vers 9

† Exod. 14.e.21 Psal. 104.a.7

10

Ende hielpse vander hant des genen diese hatede, ende verlostese vander hant des viants.

11

^* Ende de wateren verdroncken haer wedersegghers, datter niet een ouer en bleef.

* Exo. 14.f.27. Psal. 78.f.53.

12

Doen gheloofden si aen zijn woorden,^* ende songhen sinen lof.

* Exod. 15.a.1.

13

Maer si vergaten gheringhe zijnder wercken, si en verbeyden zijns raets niet.

14

Ende si werden met^† lusten inder woestijne, ende versochten Godt inden woesten lande.

† Num. 11.a.4.

15

Maer hy ghaf hen haer bede, ende sant hen genoech, tot dat hen daer af walchde.

16

Ende^* si verhieuen haer tegen Moysen inden Legher, teghen Aaron den heylighen des HEEren.

* Num. 16.a.1. Eccl. 45.d.22.

17

De^† Aerde dede haer open ende verslont Dathan, en bedecte de Rotte Abiram.

† Num. 16.e.31. Deut. 11.a.6.

18

⁺Ende vier werdt onder haer Rotten ontsteken, de vlamme verbrande de godloosen.

+ C vers 18

19

^* Sy maecten een Calf in Horeb, ende aenbaden dat ghegoten beelt.

* Exo. 32.a.4. Acto. 7.e.40.

20

Ende^† veranderden haer eere in een ghelijckenisse eens Os, die gras etet.

† Iere. 2.d.24 Roma. 1.c.23.

21

Sy vergaten Gods haers Heylants, die soo groote dinghen in Egipten ghedaen hadde.

22

Wonderen int lant Ham, ende verschrickelijcke wercken aen de roode zee.

23

Ende hy sprac,^* hy woudese vernielen, en hadde Moses zijn wtuercoren dat schueren niet opghehouden, zijn gramschap af te keeren, op dat hyse niet gants en verdorue.

* Exod. 32.b.10

24

Ende^* si verachteden dat lieue Lant, si en gheloofden sinen woorde niet.

* Num. 14.a.1.

25

⁺Ende murmureerden in haer Hutten, si en gauen der stemmen des HEEren gheen ghehoor.

+ D vers 25

26

Ende hy hief zijn hant op tegen haer, dat hyse neder sloeghe in de woestijne.

27

Ende werp haer saet onder de Heydenen, ende verstroydese in de Landen.

28

Ende si gauen hen tot den^† BaalPeor, ende aten van de offerhanden der dooden Afgoden.

† Num. 25.a.3. Iosue. 22.d.17 1.Cor. 10.a.7.

29

Ende vertoornden hem met haren doen: Doen rees oock de plaghe onder haer.

30

Doen tradt toe^† Pinehas, ende slechtede de sake: Doen werdt de plaghe geweert.

† Num. 25.b.7. 1.mach. 2.f.34.

31

Ende wert hem^* gherekent tot gherechticheyt, voort ende voort eewelijck.

* Gen. 15.a.6.

32

Ende si verthoornden hem aent^† kijfwater, ende si plaechden Mose seer.

† Num. 20.b.9.

33

⁺Want si bedroefden hem zijn herte, dat hem sommighe woorden ontuoeren.

+ E vers 33

34

^* Ooc en verdeden si de volcken niet, als hen doch de HEEre geheeten hadde.

* Deut. 7.a.2. 12.a.2. Iudic. 2.a.1. 1.Reg. 15.b.9.

35

Maer si mengden haer onder de Heydenen, ende leerden der seluer wercken.

36

^† Ende dienden hare Afgoden, die ghedijden hen tot arghernisse.

† Iudic. 2.b.11 3.a.7. 4.a.1.

37

^* Ende si offerden haer sonen ende haer dochteren den duyuelen.

* Deu. 32.c.17. Leuit. 20.a.2.

38

^† Ende vergoten onschuldich bloet, dat bloet haerder Sonen ende haerder dochteren, die si offerden den Afgoden Canaan, dat dat Lant met bloetschulden beulect wert.

† Iere. 7.d.30. 19.a.5. Deut. 18.b.9. 12.d.31. Ezech. 20.d.31

39

Ende ontreynichden haer met haren wercken, ende hoereerden met haren doen.

40

Doen vergramde den thoorne des HEEren ouer zijn volc, ende creech eenen grouwel aen zijn Erue.

41

^† Ende ghafse inde hant der Heydenen, dat ouer haer domineerden die op haer gram waren.

† Iudic. 2.c.14. 3.a.8.

42

^+* Ende haer Vianden benaudense, ende werden verootmoedicht onder haer handen.

+ F vers 42

* Iudic. 4.a.3.

43

^† Hy verlostese dicmaels, maer si vertoornden hem met haren voornemen, ende werden cleyn om haer misdaets wille.

† Iudicum heel wt.

44

Ende hy sach haren noot aen, doen hy haer claghe hoorde.

45

^† Ende gedacht aen zijn verbont met hen ghemaeckt, ende het roude hem nae zijn groote goetheyt.

† Deut. 30.a.1.

46

Ende lietse ter barmherticheyt comen voor alle, diese gheuanghen hadden.

47

Helpt ons HEERE onse Godt, ende brengt ons te samen wt den Heydenen, dat wy dancken uwen heyligen Naem, ende roemen uwen Lof.

48

Ghelooft sy de HEEre de Godt Israels van eewicheydt in eewicheyt, ende alle volck spreke: Amen. Haleluia.