Den Bibel, Inhoudende dat Oude ende Nieuwe Testament (Biestkensbijbel)

¶ Den .lxxxiij. Psalm.

1

Een Psalm Liet Assaphs.

2

⁺GOdt en swijcht doch niet also, ende en zijt doch niet also stille, Godt en houdt doch niet soo in.

+ A vers 2

3

^† Want siet, uwe Vianden rasen, ende die v haten, richten den Cop op.

† Psalm. 2.a.1.

4

Sy maken listighe aenslaghen tegen dijn volck, ende raetslaghen teghen uwe verborghene.

5

Welaen, seggen si, laetse ons wtroeyen, datse gheen volc en zijn: Dat des Naems Israels niet meer ghedacht en worde.

6

Want si hebben haer met malcanderen vereenicht, ende een verbont teghen v ghemaect.

7

De Hutten der Edomiten ende Ismaeliten, der Moabiten, ende Hagariten.

8

Der Gebaliten, Amoniten, ende Amalekiten, de Philisteen te samen met die te Tyro.

9

Assur heeft hem oock tot hen ghegheuen. Ende helpen de kinderen Loths. Sela.

10

^† Doet hen ghelijc den Madianiten,^* ghelijck Sissera, ghelijck Iabin, aen de Beke Kison

† Iudic. 7.f.22.

* Iud. 4.c.16.

11

⁺Die verdaen werden by Endor, ende werden tot dreck op Aerden.

+ B vers 11

12

^* Maect haer Vorsten ghelijck Oreb ende Seeb, alle haer Ouersten,^† ghelijck Sebah ende Salmuna.

* Iudi. 7.g.25.

† Iudi. 8.d.21.

13

Die daer segghen: Wy willen de huysen Godts innemen.

14

^† Godt maectse ghelijc een [wint] ghedruysch, ghelijc stoppelen voor den wint.

† Psalm. 1.b.5. 35.a.5.

15

Ghelijck een vier, dat dat wout verbrant, ende ghelijc een vlamme de Berghen aensteect.

16

Alsoo veruolchtse met uwen Weder, ende verschrictse met uwen onweder.

17

Maect haer aensicht vol scanden, dat si nae uwen Naem vraghen moeten.

18

Schamen moeten sy haer ende verschricken altoos meer ende meer, ende te schande worden ende vergaen.

19

Soo sullen si bekennen, dat ghy met dijnen Naem heet HEEre alleene, ende de Hoochste in aller werelt.