Den Bibel, Inhoudende dat Oude ende Nieuwe Testament (Biestkensbijbel)

¶ Den .lxxxij. Psalm.

Eenen Psalm Assaphs.

1

⁺GOdt staet inde gemeynte Godts, ende is Rechter onder de Goden.

+ A vers 1

2

^* Hoe langhe wilt ghy onrecht richten, ende den persoon der Godloosen voortrecken? Sela.

* Mich. 3.a.2. Soph. 3.a.3.

3

Doet recht den Armen ende den Weesen. Ende helpt den ellendighen ende nootdruftighen ten rechte.

4

^† Verlost den verachten ende Armen, ende verlost hem wt der Godloosen ghewelt.

† Pro. 24.b.11. 1.mac. 14.a.7. Iere. 21.c.12.

5

Maer si en laten hen niet segghen, ende en achtens niet, Sy gaen altoos henen inde duysternissen.^† Daerom moeten alle Fondamenten des Lants vallen.

† Esaie. 3.b.7.

6

Ick hebbe wel gheseyt,^† ghy zijt Goden, ende altemael kinderen des Hoochsten.

† Exod. 22.b.8. Ioan. 10.d.34

7

Maer ghy sult steruen als menschen, Ende als een Tyran te gronde gaen.

8

Godt maeckt v op, ende rechtet dat Lant: Want ghy zijt een ERFHEEre ouer alle Heydenen.