Den Bibel, Inhoudende dat Oude ende Nieuwe Testament (Biestkensbijbel)

¶ Den .lxxx. Psalm.

1

Eenen Psalm Assaphs, vanden Spanroosen, voor te singhen.

2

⁺GHy Herder Israels, hoort, ghy die Ioseph hoedet gelijc de Schapen. Verschijnt,^* ghy die sidt bouen Cherubim.

+ A vers 2

* Psal. 99.a.1.

3

Verwect uwe ghewelt,^† ghy die voor Ephraim, BenIamin, ende Manasse zijt, ende coemt ons te hulpe.

† Num. 2.c.18.

4

^* Godt troost ons, ende laet lichten uwe aensicht, soo ghenesen wy.

* Psal. 80.b.20.

5

HEEre Godt Sebaoth, hoe langhe wildy toornen ouer dat gebet ws volcx?

6

^† Ghy spijstse met tranen broot, ende drenctse met groote maten vol tranen.

† Psal. 42.a.4

7

^* Ghy set ons onsen nabueren tot een gekijf, ende onse Vianden spotten onser.

* Psal. 79.a.4.

8

God Sebaoth troost ons: Laet lichten uwe Aensicht, soo ghenesen wy.

9

^* Ghy hebt eenen Wijnstoc wt Egipten ghehaelt, ende hebt verdreuen de Heydenen, ende den seluen gheplant.

* Esaie. 5.a.1. Iere. 12.b.10. Mat. 21.d.33.

10

⁺Ghy hebt voor hem de bane gemaect, ende hebt hem laten in wortelen, dat hy dat lant veruult heeft.

+ B vers 10

11

Berghen zijn met zijnder schaduwe bedect, ende met sinen rancken de Cedren Godts.

12

^* Ghy hebt zijnen wasdom wtghebreyt tot aen de zee, ende zijn schueten tot aent water.

* Psal. 72.b.8.

13

^* Waerom hebdy dan dijnen Thuyn ghebroken, dat hem verschuert al wat voorby gaet?

* Psal. 89.e.41 Esaie. 5.a.5.

14

^† De wilde Swijnen hebben hem doorwroet, ende de^* wilde Dieren hebben hem verdoruen.

† Esaie. 3.c.13.

* Canti. 2.c.15.

[p. 214r]

15

God Sebaoth keert v toch, aenscout vanden Hemel, ende siet aen, ende besoect desen Wijnstock.

16

Ende hout hem in bouwinghe, dien uwe rechte hant gheplant heeft: Ende dien ghy v vast vercoren hebt.

17

Siet daer in ende scheldet,^† dat des bernens ende schuerens een eynde worde.

† 2.Par. 36 c.19

18

Dijne hant, beschutte dat volc dijner rechter hant, ende de lieden, die ghy v vast vercoren hebt.

19

So en willen wy niet van v wijcken: Laet ons leuen, soo willen wy uwen Naem aenroepen.

20

HEEre^† God Sebaoth, troost ons: Laet uwe aensichte lichten, so genesen wy.

† Psal. 80.a.4.