Den Bibel, Inhoudende dat Oude ende Nieuwe Testament (Biestkensbijbel)

¶ Den .lxx. Psalm.

1

Eenen Psalm Dauids voor te singhen ter ghedachtenisse.

2

⁺HAest v Godt,^† my te verlossen: HEEre my te helpen.

+ A vers 2

† Psal. 40.c.14

3

^* Sy moeten haer schamen ende te schanden worden, die na mijnder sielen staen.

^* Sy moeten te rugghe keeren ende

* Psal. 35.d.26. 71.b.13.

* Iob. 31.c.29. Pro. 17.a.5.

[p. 211v]

beschimpt worden, die my quaet wenscen.

4

Dat sy moeten wederom te schanden worden, die ouer mi crijsschen: Daer, daer.

5

Verhueghen ende vrolijck moeten zijn aen v, die na v vraghen, ende die dijn Heyl beminnen^†, altoos seggen: Hooch ghelouet sy Godt.

† Psal. 35.d.27. 40.c.17.

6

Maer ick ben ellendich ende arm, Godt haest v tot my, want ghy zijt mijn helper ende verlosser: Mijn God en vertoeft niet.