Den Bibel, Inhoudende dat Oude ende Nieuwe Testament (Biestkensbijbel)

¶ Den .lxvij. Psalm.

1

Eenen Psalm voor te singhen op snarenspel.

2

⁺GOdt sy ons ghenadich^* ende seghene ons: Hy^† late ons zijn aensicht lichten. Sela.

+ A vers 2

* Psal. 115.b.12.

† Num. 6.d.25

3

Dat wy op Aerden bekennen zijnen wech, onder alle Heydenen zijn Heyl.

4

Godt v dancken de volcken, dy dancken alle volcken.

5

De volcken verhuegen haer, ende iuychen, dat ghy de lieden recht oordeelt, ende regeret de lieden op Aerden. Sela.

6

Godt dy dancken de volcken, dy dancken alle volcken.

7

Dat Lant gheeft zijn vrucht: Het seghene ons Godt, onse Godt.

8

Het seghene ons Godt, ende alle werelt vreese hem.