Den Bibel, Inhoudende dat Oude ende Nieuwe Testament (Biestkensbijbel)

¶ Den .lxvj. Psalm.

1

Een Psalm liet, voor te singhen.

2

⁺IVycht^† Gode alle Landen, Lofsinget ter eeren zijnen Naem, Roemet hem heerlijck.

+ A vers 2

† Psal. 100.a.1.

3

Spreect tot God:^* Hoe wonderlijcken zijn uwe wercken? Het sal uwe vianden faelgeren voor uwe groote macht.

* Apoc. 15.a.3.

4

Alle Lant aenbidde v, ende lofsinghe v, lof singhe uwen Naem. Sela.

5

Coemt herwaerts, ende siet aen de wercken Gods, die so wonderlijc is met zijnen doen, onder der menschen kinderen.

6

^* Hy verandert de See int drooghe, datmen te voet ouer dat water gaet:^† Dies verhueghen wy ons in hem.

* Exo. 14.c.21.

† Iosue. 3.d.16.

7

Hy heerschapt met zijnder ghewelt

[p. 210v]

eewelijck,^* zijn oogen aenscouwen op de volcken: De Afuallige en sullen haer niet verhoogen connen. Sela.

* Psal. 33.b.13. Iob. 28.c.25. 2.Par. 16.b 9. 2.Mach. 9.a.5 Eccle. 23.d.27.

8

Louet ghy volcken onsen Godt, laet zijnen roem wijdt luydtbaer worden.

9

⁺Die onse sielen int leuen behout, ende en laet onse voeten niet slipperen.

+ B vers 9

10

Want Godt ghy hebt ons^† geproeft, ende gheloutert ghelijck dat siluer gheloutert wort.

† Deut. 8.a.2. 2.Par. 32.f.31. Sap. 3.a.5. Eccle. 2.a.5. Prou. 17.a.3. 1.Petr. 1.a.6.

11

Ghy hebt ons laten worpen inden toren, ghy hebt op onse lendenen eenen last gheleyt.

12

Ghy hebt menschen laten ouer onse hooft comen^* wy zijn in vier ende water ghecomen, maer ghy hebt ons wtgheuoert ende verquict.

* Esaie. 43.a.2. Dan. 3.d.23.

13

Daerom wil ick met Brantoffer gaen in dijn huys^† ende v mijn geloften betalen.

† Eccles. 5.a.3. Deut. 23.d.21.

14

Also ick mijn lippen hebbe open ghedaen, ende mijnen mont gesproken heeft in mijnen noot.

15

⁺Ic wil v vette Brantofferen doen van gebrande weederen: Ic wil offeren Runderen met Bocken. Sela.

+ C vers 15

16

Coemt herwaerts, hoort toe, ghy alle die Godt vreeset: Ick wil vertellen, wat hy aen mijn siele ghedaen heeft.

17

Tot hem riep ick met mijnen monde, ende prees hem met mijn tonghe.

18

^* Waert dat ick wat onrechts voor hadde in mijnder herten: So en soude de HEEre niet hooren.

* Iohan. 9.e.31. Esaie. 59.a.2.

19

Daerom verhoort my God, ende merct op mijn smeecken.

20

Gheloeft sy Godt die mijn gebet niet en verworpt, noch zijne goetheyt van my en keert.