Den Bibel, Inhoudende dat Oude ende Nieuwe Testament (Biestkensbijbel)

¶ Den lxiiij. Psalm.

1

Eenen Psalm Dauids voor te singhen.

2

⁺HOort God mijn stemme in mijnen clagen, behoet mijn leuen voor den grousamen viant.

+ A vers 2

3

Verbercht my voor de vergaderinge der boosen, voor den hoope der quaetdoenders.

4

^* Die haer tonghen scherpen ghelijck een sweert, die met haren verghiftighen woorden micken, als met pijlen.

* Psal. 57.a.5.

5

^* Dat sy heymelijck schieten de vroomen: Haestelijck schieten sy op hen, sonder alle^† schuwe.

* Psal. 11.a.3.

† Vreese.

6

Sy zijn coen met haren boosen aenslaghen, ende seggen^* hoe si stricken leggen willen, ende spreken: Wie canse sien?

* 1.Re. 18.d.21

7

⁺Sy versieren schalckheyt, ende houdent heymelijck, zijn verslaghen, ende heb-ben listighe schalcx stucken.

+ B vers 7

8

Maer Godt salse haestelijc schieten, dat het hen wee doen sal.

9

Haer eyghen tonghe salse vellen, dat haer bespotten sal wie datse siet.

10

Ende alle menschen diet sien, sullen segghen: Dat heeft Godt ghedaen, ende mercken, dattet zijn werck sy.

11

De rechtuaerdige sullen hen des HEEren verhuegen, ende op hem betrouwen, ende alle vrome herten, sullen hem dies beroemen.