Den Bibel, Inhoudende dat Oude ende Nieuwe Testament (Biestkensbijbel)

¶ Den .lj. Psalm.

1

Eenen Psalm Dauids voor te singhen,

2

^* doen de Propheet Nathan tot hem quam, als hy was tot Bathsaba inghegaen.

* 2.Reg. 12.a.1.

3

⁺GOdt zijt my ghenadich,⁺ na dijnre goetheyt, ende doet mijn sonden wt na uwe groote barmherticheyt.

+ A vers 3

+ Psal. 56.a.1.

4

Wascht my wel van mijnder misdaet ende reynicht my van mijnder sonden.

5

Want^† ick bekenne mijne misdaet, ende mijn sonde is alle tijt voor my.

† Iob. 13.b.15. Psal. 32.a.5. Luc. 18.b.13. 15.c.21.

6

Aen v alleen heb ick ghesondicht, ende quaet voor v ghedaen.

^† Op dat ghy recht behout in uwen woorden, ende reyn blijft, wanneer ghy^† gherichtet wort.

† Rom. 3.a.4.

† Geoordeelt.

7

Siet, ick ben wt sondelijcken sade geboren, ende mijn Moeder heeft my in sonden ontfanghen.

8

Siet, ghy hebt lust totter waerheyt, die int verborghen leyt: Ghy laet my weten de heymelijcke wijsheyt.

9

^* Ontsondicht my met^† ysope, dat ick reyn worde: Wascht my, dat ic sneeuwit worde.

* Ephe. 5.e.26

† 1.Pet. 3.c.21. Leuit. 14.a.6 Num. 19.a.6.

10

Laet my hooren blijschap ende verhueghen, dat de beenen vrolijck worden, die ghy in stucken gheslaghen hebt.

11

Verbercht uwe aensicht van mijnen sonden, ende doet alle mijn misdaet wt.

12

^* Schept in my Godt een reyn herte, ende gheeft my eenen nieuwen gewissen gheest.

* Ezech. 36.e.26 Acto. 2.a.2.

13

⁺En verworpt my niet van uwen Aensichte, en nemet uwen heylighen gheest niet van my.

+ B vers 13

14

Troost my weder met uwer hulpe, ende de vrijmoedige gheest onderhoude my.

15

Want ick wil den Ouertreders uwe weghen leeren, dat haer de Sondaren tot v bekeeren.

16

Verlosset my vanden^* Bloetschulden, Godt, ghy die mijn Godt ende Heylant zijt, dat mijne tonghe uwe gerechticheyt roeme.

* 2.Re. 11.b.14.

17

HEEre, doet mijne lippen open, dat mijnen mont uwen roem vercondighe.

18

^* Want ghy en hebt gheenen lust totter offerhande, ick wouse v anders wel gheuen: Ende Brantofferen en behagen v niet.

* Mich. 6.b.6.

19

De Offerhanden die Gode behagen,^† zijn eenen beancxten geest: Een beancxt ende verslaghen herte en suldy God niet verachten.

† Esaie. 57.c.13. 61.a.1. 66.a.2 Psal. 34.c.19.

20

Doet wel aen Sion na dijner ghenade, timmert de Mueren te Ierusalem.

[p. 208v]

21

Dan^† sullen v behaghen de Offerhanden der gherechticheyt, de Brantofferen ende gantschen Offer: Dan salmen Ossen op uwen Altaer offeren.

† Rom. 12.a.1. 1.Pet. 2.a.5.