Den Bibel, Inhoudende dat Oude ende Nieuwe Testament (Biestkensbijbel)

¶ Den .xliij. Psalm.

1

⁺REcht my God, ende voert my mijn sake teghen dat onheylich volck: Ende verlost my vanden valschen ende boosen Lieden.

+ A vers 1

2

Want ghy zijt de Godt mijnder stercheyt: Waerom verstoot ghy my?^† Waerom laet ghy my soo truerich gaen, wanneer my mijn Viant dringt?

† Psal. 42.b.10

3

Seynt dijn licht, ende uwe waerheyt, dat sy my leyden: Ende brenghen tot uwen heylighen berghe, ende tot uwer wooninghen.

4

Dat ic henen gae totten^† Altaer Gods, totten Godt, die mijne vruechde ende ghenoechte is, ende v Godt, op der Herpen dancke, mijn Godt.

† Esaie 56.b.7. Heb. 13.b.10.

5

^† Wat bedroeft ghy v mijn siele, ende zijt so onrustich in my? Wacht op Godt, want ick sal hem noch dancken, dat hy mijns aensichts hulpe, ende mijn God is.

† Psal. 42.a.6.b.12.