Den Bibel, Inhoudende dat Oude ende Nieuwe Testament (Biestkensbijbel)

¶ Den .xxxiiij. Psalm.

1

Eenen Psalm Dauids, doen hy zijn gebaer veranderde voor Abimelech, die hem van hem dreef, ende hy wech ginc.

2

⁺ICk wil den HEEre louen altijt: Synen lof sal altoos in mijnen mont zijn.

+ A vers 2

3

Mijn siele sal haer beroemen des HEEren: Dat het de ellendighe hooren ende haer verhueghen.

4

Prijst met my den HEEre, ende laet ons met malcanderen sinen Naem verhooghen.

5

Doen^† ick den HEEre sochte, antwoorde hy my, ende verloste my wt alle mijn vreese.

† 1.Reg. 30.b.7.

6

Die hem aensien ende aenloopen: Dier aensicht en wort niet te schanden.

7

Doen^† dese ellendighe riep, hoorde de HEEre: Ende hielp hem wt allen sinen nooden.

† Psal. 22.c.25.

8

De^* Enghel des HEEren leghert hem rontomme de gene die hem vreesen, ende helptse wt.

* Psal. 91.b.11. 4.Re. 6.d.16. 19.g.36. Iosue. 5.d.13. Psal. 125.a.2.

9

Smaeckt ende siet hoe vriendelijck de HEEre is:^† Wel dien, die op hem betrout.

† Psal. 2.b.12.

10

^+* Vreest den HEEre, ghy sine heylighen: Want die hem vreesen en hebben gheen ghebreck.

+ B vers 10

* Psal. 111.a.5. 128.a.1.

11

^‡ De Rijcke moeten nootdruftich zijn ende hongeren:^† Maer die den HEEre soecken, en hebben gheen ghebreck aen eenich goet.

‡ Mat. 5.a.6. Luce. 1.d.49

† Mat. 6.c.25. Luc. 12.c.22. 1.Pet. 5.a.7. Phil. 4.a.6. 1 Tim. 6.b.6.

12

Coemt herwaerts kinderen, hoort na my: Ick wil v de vreese des HEEren leeren.

13

^* Wie isset, die een goet leuen begeert? Ende die gheerne goede daghen hadde?

* 1.Pe. 3.b.10.

14

Behoet v tonghe voor dat boose: Ende uwe lippen, datse gheen bedriegherije en spreken.

15

^* Laet af vant boose: Ende doet dat goede. Soeckt vrede, ende iaecht hem na.

* Psal. 37.d.27. Amos. 5.b.15.

16

De^† ooghen des HEEREN sien op de rechtuaerdighe: Ende zijn ooren op haer crijsschen.

† Eccle. 1.c.24 Hebre. 4.c.13 Psalm. 33.c.18

[p. 205r]

17

⁺Maer dat aensicht des HEEREN staet ouer de ghene die quaet doen: Dat hy haer ghedachtenisse wtroede vander Aerden.

+ C vers 17

18

Wanneer de rechtueerdighe roepen, soo hooret de HEEre: Ende verlostse wt alle haren noot.

19

De HEEre is na by den ghenen die van^* een gebroken herte zijn: Ende helpt de ghene die een verslaghen ghemoet hebben.

* Psal. 51.c.19. Esaie 57.c.15. 61.a.1. 66.a.2.

20

De^† rechtueerdighe moet veel lijden: Maer de HEERE helpt hem wt dien allen.

† 2.Ti. 3.b.12. Prou. 24.c.16

21

Hy bewaert hem alle zijn ghebeente, datter niet een in stucken ghebroken en wort.

22

Den godloosen sal dat ongheluc dooden: Ende die den rechtuaerdigen haten, sullen schult hebben.

23

De HEERE verlost de siele zijnder knechten:^† Ende alle die op hem betrouwen, en sullen gheen schult hebben.

† Psal. 2.b.12. Iere. 17.b.7.