Den Bibel, Inhoudende dat Oude ende Nieuwe Testament (Biestkensbijbel)

¶ Den .xxix. Psalm.

Eenen Psalm Dauids.

1

⁺BRengt herwaerts den HEEre, ghi gheweldige, brengt herwaerts den HEEre, eere ende stercheyt.

+ A vers 1

2

^† Brengt herwaerts den HEEre, eere zijns Naems: Biddet aen den HEEre in heylighe vercieringhe.

† Psal. 96.a.7.

[p. 204r]

3

De^* stemme des HEEren gaet op de wateren:^† De God der eeren dondert.^‡ De HEEre op grooten wateren.

* Exod. 7. 8.

† Exod. 9.e.23

‡ Exo. 14.f.27

4

De stemme des HEEren gaet met macht: De stemme des HEEren gaet heerlijck.

5

^* De stemme des HEEren breect in stucken de Cederen: De HEEre breeckt in stucken de Cederen in Libanon.

* Ezec. 17.d.22.

6

Ende maectse springhen als een calf: Libanon^† ende Syrion, ghelijc een ionc^* Eenhooren.

† Deut. 3.b.9.

* Iob. 39.b.12

7

⁺De stemme des HEEren houwet^† als vier vlammen.

+ B vers 7

† Num. 16.e.35

8

De stemme des HEEren beweecht de woestijne: De stemme des HEEren beweecht de woestijne Kades

9

De stemme des HEEren beweecht de Hinden, ende ontbloot de wouden: Ende in sinen tempel sal hem een yeghelijck eere segghen.

10

De HEEre sit een diluuie aen te rechten:^† Ende de HEEre blijft een Coninck inder eewicheyt.

† Psal. 10.b.16.

11

De HEEre sal zijn volck cracht gheuen: De HEEre sal zijn volck seghenen met vrede.