Den Bibel, Inhoudende dat Oude ende Nieuwe Testament (Biestkensbijbel)

¶ Den .xxvj. Psalm.

Eenen Psalm Dauids.

1

⁺HEEre^* bestelt my recht, want ick ben ontschuldich.

Ick hope op den HEEre, daerom en sal ick niet vallen.

+ A vers 1

* Psal. 17.a.1.

2

^† Proeft my HEEre, ende ondersoect my: Reynicht mijn nieren ende herte.

† Psal. 139.c.23.

3

Want uwe goetheyt is voor mijnen oogen: Ende ic wandele in uwe waerheyt.

4

Ic en sitte niet by de ydel lieden:^† Ende en heb niet gemeynscap metten valschen.

† Ephe. 5.b.11.

5

Ic hate de vergaderinge der boosachtighen, ende en sitte niet by den godloosen.

6

^* Ick wassche mijne handen met onschult, ende houde my HEERE tot uwen Altaer.

* Esaie. 1.c.16.

7

⁺Daermen hoort de stemme des dancx, ende daermen predict alle uwe wonderen.

+ B vers 7

8

HEERE, ic hebbe lief de stede ws huys, ende den hoec daer uwe eere woont.

9

En raept mijn siele niet wech metten sondaers noch mijn leuen met den bloetdorstighen.

10

Welcke met boose rancken om gaen,^† ende nemen gheerne gheschencken.

† Exod. 23.a.8. Deut. 17.a.2. Eccle. 20.d.31.

11

Maer ick wandele onschuldichlijck: Verlost my ende weest my ghenadich.

12

Mijnen voet gaet^* richtich.^† Ic wil v louen HEEre in de vergaderinghen.

* Recht.

† Psal. 22.c.23 35.c.18.