Den Bibel, Inhoudende dat Oude ende Nieuwe Testament (Biestkensbijbel)

¶ Den .xv. Psalm.

Eenen Psalm Dauids.

1

⁺HEEre,^† wie sal woonen in uwer Hutten? Wie sal blijuen op uwen heylighen berch?

+ A vers 1

† Psal. 24.a.3. Esai. 33.b.14. Mat. 19.c.21. 1.Ioan. 1.b.6.

2

Die sonder smette daer henen gaet, ende recht doet, ende spreect de waerheyt van herten.

3

Wie met zijnder tongen niet en^† achterclapt, ende sinen naesten gheen leet en doet: Ende sinen naesten niet en scheynt.

† Iacob. 4.b.11 Prou. 18.b.8. 26.c.22. Leuit. 19.d.16

4

Wie de Godloosen niet en acht: Mer eert de Goduruchtige: Wie sinen naesten sweert, ende hout het.

5

Wie zijn gelt niet^† op woecker en doet,^* ende en neemt niet gheschencken ouer den ontschuldighen. Wie dat doet, die sal wel blijuen.

† Exod. 22.c.25. Leuit. 25.f.35. Deut. 23.c.19. 2.Esd. 5.a.7.

* Deu. 27.c.26 Ezech. 22.b.12 Prou. 17.c.23.