Den Bibel, Inhoudende dat Oude ende Nieuwe Testament (Biestkensbijbel)

¶ Den .xiiij. Psalm.

Eenen Psalm Dauids, voor te singhen.

1

⁺DE^* Sotten spreken in hare herten: Daer en is gheen God. Sy en dueghen niet, ende zijn eenen grouwel met haren wesen: Daer en isser niet een die wat goets doet.

+ A vers 1

* Psalm. 53.a.1.

2

De HEEre^† sach vanden Hemel op der menschen kinderen, dat hy saghe, oft yemant verstandich ware ende na Godt vraechde.

† Gene. 11.a.5. 18.c.21.

[p. 201v]

3

Maer sy zijn alle afgheweken, ende alle te samen onduechdelijck.^† Daer en is niemandt die wat goets doet, ooc niet eene.

† Roma. 3.b.10

4

En wil dan niemandt vanden quaetdoenders dat mercken? Die mijn volck verslinden, dat si hen gheneren. Mer den HEEre en roepen si niet aen.

5

Aldaer vreesen si hen. Maer Godt is byden gheslachte der rechtueerdighen.

6

Ghy scheynt des Armen raet, Maer Godt is zijn toeuerlaet.

7

Och dat de hulpe^† wt Sion ouer Israel quame, ende de HEEre zijn geuanghen volck verloste, Soo soude Iacob vrolijck zijn, ende Israel hem verblijden.

† Esaie 53.c.20. Rom. 11.d.26.