Den Bibel, Inhoudende dat Oude ende Nieuwe Testament (Biestkensbijbel)

¶ Den .xiij. Psalm.

1

Eenen Psalm Dauids, voor te singhen.

2

⁺HEEre, hoe langhe wilt ghy mijns soo gheheelijck vergeten? Hoe langhe verbercht ghy v aensicht voor my?

+ A vers 2

3

Hoe langhe sal ic sorghen in mijnder sielen, ende my beancxten in mijnder herten daghelijcx? Hoe langhe sal hem mijn Viant ouer my verheffen?

4

Aenschouwet doch, ende verhoort my HEEre mijn God: Verlicht mijn oogen, dat ick niet inden doot en slape.

5

Dat mijn Viant hem niet en beroeme, Hy sy mijns machtich gheworden:^* Ende mijne wederpartijders hen niet en verhueghen, dat ick neder ligghe.

* Psalm. 25.a.2

6

Maer ick hope daer op, dat ghy soo ghenadich zijt: Mijn herte verhuecht hem, dat ghy soo gheerne helpt.

Ick wil den HEEre singhen, dat hy soo wel aen my doet.