Den Bibel, Inhoudende dat Oude ende Nieuwe Testament (Biestkensbijbel)

¶ Den .xij. Psalm.

1

Eenen Psalm Dauids, voor te singhen, op acht snaren.

2

⁺HElpt HEEre, de heyligen hebben afghenomen: Ende der gheloouighen is weynich onder der menschen kinderen.

+ A vers 2

3

Deene spreect metten anderen onnutte dinghen, ende^† huychelen: Ende leeren wt oneenighen herten.

† Veynsen.

4

De HEEre wille doch wtroeyen alle huychelie, ende de tonghe die daer stout spreket.

5

Die daer segghen: Onse tonghe sal de ouerhant hebben, ons behoort te spreken, wie is onse Heere?

6

Ter wijlen dan de ellendige verstoort worden, ende de Arme suchten, wil ic op seyt de HEEre: Ick wil een hulpe beschicken, datmen vrijmoedich leeren sal.

7

^† De redene des HEEren is louter, ghelijck door louter vier inden Aerden^* deghel gheproeft seuenwerf.

† Psalm. 18.c.31 19.b.9. Prou. 30.a.5.

* Croes.

8

Ghy HEEre, wiltse doch bewaren, ende ons behoeden voor den gheslachte eewelijck.

9

Want het wort ouer al vol Godloosen: Waer sulcke loose lieden onder de Menschen heerschen.