Den Bibel, Inhoudende dat Oude ende Nieuwe Testament (Biestkensbijbel)

¶ Den .vj. Psalm.

1

Eenen Psalm Dauids, voor te singhen op acht snaren.

2

⁺OCh HEEre,^† en straft my niet in uwer gramschappen, ende en castijt my niet in uwer verbolghentheyt.

+ A vers 2

† Iere. 10.d.24. 30.b.11. Psalm. 38.a.2.

3

HEEre zijt my ghenadich, want ick ben swack. Heelt my HEERE, want mijn ghebeenten zijn verschrict.

4

Ende mijn siele is seer verscrict. Och ghy HEEre, hoe langhe?

5

Keert v HEEre, ende verlost mijne siele. Helpt my om uwer goedertierenheyt wille.

6

Want^† inden doot en gedenctmen ws niet. Wie wil v inder Hellen dancken?

† Eccle. 17.c.26 Psal. 30.b.10. 88.b.12. 115.b.17. Esaie. 38.d.18

7

⁺Ick ben soo moede van suchten. Ick doe mijn bedde swemmen den gheheelen nacht. Ende nette mijnen Leger met mijnen tranen.

+ B vers 7

8

Mijn gedaente is veruallen van trueren, ende is out gheworden, want ic worde ouer al beangst.

9

^† Wijcket van my alle quaetdoenders, Want de HEEre hoort mijn weenen.

† Mat. 7.b.23. 25.d.41. Luc. 13.c.27. Psal. 119.p.115

10

De HEERE hoort mijn smeecken: Mijn ghebet neemt de HEEre aen.

11

Alle mijne Vianden moeten te schanden worden, ende seer verschricken, ende hen te rugghe keeren, ende te schanden worden snellijck.