Den Bibel, Inhoudende dat Oude ende Nieuwe Testament (Biestkensbijbel)

¶ Den .iiij. Psalm.

1

Eenen Psalm Dauids, voor te singen op snarenspel.

2

⁺VErhoort my,^† als ick roepe, Godt mijnder gherechticheyt, ghy die my troost in angste. Sijt mi genadich, ende hoort mijn ghebet.

+ A vers 2

† Psal. 91.b.15.

3

Lieue Heeren, hoe lange sal mijn eere ghescheynt worden? Hoe hebt ghy dat ydele so lief, ende de lueghenen so gheerne? Sela.

4

Bekennet doch, dat de HEEre sine heylighen wonderlijck leyt. De HEEre hooret, als ick hem aenroepe.

5

^† Wort ghi gram, so en sondicht niet, spreket met uwer herten, op uwen Legher, ende verbeyt. Sela.

† Ephe. 4.c.26

6

⁺Offert rechtuaerdicheyt,^* ende hopet op den HEEre.

+ B vers 6

* Psal. 37.a.3.

7

Vele seggen: Hoe soude ons dese wijsen wat goet is? Maer HEEre verheft ouer ons dat licht dijns aensichts.

8

Ghy verhuecht mijn herte, hoe wel ghene alwel veel Wijn ende Cooren hebben.

9

^† Ick ligghe ende slape gheheel met vreden. Want alleen ghy HEEre, helpt my, dat ick seker woone.

† Psalm. 3.a.6. Leuit. 26.a.4 Iob. 11.b.19. Prou. 3.c.24.