Den Bibel, Inhoudende dat Oude ende Nieuwe Testament (Biestkensbijbel)

[p. 200r]

¶ Den .iij. Psalm.

1

Eenen Psalm Dauids, doen hy vluchte voor sinen soon Absalon.

2

⁺OCh HEEre,^* hoe is mijnder Vianden soo vele, ende so vele setten hen teghen my.

+ A vers 2

* Psal. 25.c.19. 119.v.157.

3

Veel segghen van mijnder sielen: Sy en heeft gheen hulpe by Godt. Sela.

4

Maer ghy HEEre zijt den scilt voor my, ende die my ter eeren set, ende mijn hooft oprecht.

5

^† Ick aenroepe met mijnder stemmen den HEEre, so verhoort hy my van sinen heylighen berghe. Sela.

† Psal. 18.a.7. 120.a.1. Tren. 3.e.55. Ionas. 2.a.2.

6

^* Ick ligghe en slape, ende ontwake. Want de HEEre^† onderhout my.

* Psal. 4.b.9

† Beschermt.

7

Ick en vreese my niet,^‡ voor veel hondert duysent, die hen rontom teghen my legghen.

‡ Psal. 27.a.3. 118.a.10. Eccle. 34.c.16

8

Op HEEre, ende helpt my, mijn God. Want ghy slaet alle mijne Vianden op de kinnebacken, ende breect te stucken der godlooser tanden.

9

^* Byden HEERE vintmen hulpe. Ende v segheninge ouer v volc. Sela.

* Psal. 121.a.2. 124.a.8.