Den Bibel, Inhoudende dat Oude ende Nieuwe Testament (Biestkensbijbel)

¶ Dat .xl. Capittel.

1

⁺ENde de HEEre antwoorde Hiob, wt eenen onweder, ende sprac:

+ A vers 1

2

^† Gordet v lendenen als een Man, ic wil v vraghen. Leert my.

† Iob. 38.a.1.

3

Sult ghy mijn oordeel te niet doen, ende my verdoemen, dat ghy rechtueerdich muecht zijn?

4

Hebt ghy eenen arm als Godt, ende condt ghy met ghelijcker stemmen donderen als hy doet?

5

Verciert v met hooueerdicheyt ende verheft v. Cleet v looflijck ende heerlijck.

6

Stroyt wt de toornicheyt uwer verbolgentheyt. Aenscout de hoochmoedighe, waer si zijn, ende verootmoedichtse.

7

Ia schouwet de hoochmoedighe, waer si zijn, ende buychtse. Ende maeckt de godtloose dunne daer sy zijn.

8

Begraeftse al tsamen inder Aerden, ende versinct haer pronckerie int verborghen:

9

So wil ick v ooc bekennen, dat uwe rechter hant ghehelpen can.

10

^† Siet, den^* Behemoth, dien ic neffens v ghemaect hebbe, eet hoy als eenen Ossche.

† Esaie. 27.a.1.

* Elephant.

11

⁺Siet, zijn cracht is in zijn lendenen, ende zijn vermoghen inden nauel zijns buycx.

+ B vers 11

12

Sijnen steert strect hem wt gelijck een Cedere, de aderen zijnder manlijcheyt starren als eenen tack.

13

Sijn knoken zijn als vast metael. Sijn gebeenten zijn als ijseren stauen.

14

Hy is dat beghintsel der weghen Godts, die hem ghemaect heeft, die grijpt hem aen, met sinen swaerde.

15

De bergen dragen hem cruyden, ende alle de wilde dieren spelen aldaer.

16

Hy leyt gheerne in de schaduwe, in dat riedt ende slijm verborghen.

17

Den bossche bedect hem met zijn scaduwe, ende de beeckwilgen bedecken hem.

18

Siet, hy slict den stroom in hem, ende en achtet niet groot, laet hem duncken dat hy de Iordane wt wil suypen met sinen monde.

19

Nochtans vangtmen hem met sinen eyghenen ooghen, ende door valstricken doorboortmen hem sinen nuese.