Den Bibel, Inhoudende dat Oude ende Nieuwe Testament (Biestkensbijbel)

¶ Dat .xij. Capittel.

¶ De Priesters ende de Leuiten worden hier ghenoemt, die met Sorobabel op ghetoogen waren. Vander wijdinghe der mueren, van Ierusalem.

1

⁺⁺ DIt zijn de Priesters ende Leuiten, die met Serubabel den sone Sealthiel ende Iesua op trocken: Seraia, Ieremia, Esra,

+ A vers 1

+ 1.Par. 10.a.1.

2

Amaria, Malluch, Hattus,

3

Sechania, Rheum, Meremoth,

4

Iddo, Ginthoi, Abia,

5

Meiamin, Maadia, Bilga,

6

Semaia, Iosarib, Iedia,

7

Sallu, Amok, Hilkia,

8

Ende Iedaia, dit waren de Hoofden onder de Priesteren ende haren broederen, inden tijden Iesua.

9

Maer de Leuiten waren dese: Iesua, Benui, Kadmiel, Serebia, Iuda, ende Mathania, ouer dat Danckofficie, hy ende zijn broeders.

10

Bakbukia, ende Vnni hare broeders, waren rontom haer ter hoedinge.

11

Iesua wan Ioiakim. Ioiakim wan

[p. 185r]

Eliasib. Eliasib wan Ioiada.

12

Ioiada wan Ionathan. Ionathan wan Iaddua.

13

Ende inden tijt Ioiakim, waren dese de Ouerste vaderen, onder den Priesteren, te weten, van Seraia, was Meraia, van Ieremia was Hanania,

14

Van Esra was Mesullam, van Amaria was Iohanan,

15

Van Malluch was Ionathan, Van Sebania was Ioseph,

16

⁺ Van Harim was Adna, Van Meraioth, was Helkai,

+ B vers 16

17

Van Iddo was Sacharia, Van Ginton was Mesullam,

18

Van Abia was Sichri, Van MeiaminMoadia, was Piltai,

19

Van Bilga was Sammua, Van Semaia was Ionathan,

20

Van Ioiarib was Mathnai, Van Iedaia was Vsi,

21

Van Sallai was Kallai, Van Amok was Eber,

22

Van Hilkia was Hesabia, Van Iedaia was Nethaneel.

23

Ende inden tijden Eliasib, Ioiada, Iohanan, ende Iaddua, werden de Ouerste Vaders onder de Leuiten, ende de Priesteren bescreuen onder de Cronijcke Darij, des Perzers.

24

Maer de kinderen Leui, de Ouerste vaderen, werden bescreuen inde Cronijcke, totter tijt Iohanan des soons Eliasib toe.

25

Ende dit waren de Ouerste onder de Leuiten: Hasabia, Serebia, ende Iesua de sone Kadmiel, ende hare broederen neffens hen, te louen ende te dancken, alsoot Dauid de man Godts gheboden had, Deen wacht neffens de andere.

26

Mathania, Bakbukia, Obadia, Mesullam, Talmon, ende Akub, waren poortiers aen de wacht, aenden dorpel inde poorten.

27

Dese waren inden tijden Ioiakim, des soons Iesua, des soons Iozadok, ende ten tijden Nehemia des Lantvoochts, ende des Priesters Esra des Scriftgeleerden.

28

⁺ Ende inder wijdinge der mueren tot Ierusalem sochtmen de Leuiten wt alle haer plaetsen, datmense te Ierusalem soude brenghen, om in blijschappen de wijdinge te houden, met dancken, met singhen, Cymbalen, Psalteren, ende Herpen.

+ C vers 28

29

Ende de kinderen der Sangers vergaderden hen vanden Contreyen om Ierusalem, ende vanden Houe Nethophati,

30

Ende vanden huysen Gilgal, ende vanden Ackeren te Gibea ende Asmaueth. Want de Sanghers hadden hen Houen ghetimmert rontom Ierusalem.

31

Ende de Priesters ende de Leuiten reynichden hen, ende reynichden dat volck, de Poorten ende de mueren.

32

Ende ick liet de Vorsten Iuda bouen op de mueren climmen, ende stelde twee groote danck Choren, die ghingen henen ter rechter siden bouen op de mueren ter^† mestpoorten waert.

† 2.Esd. 3.c.19.

33

Ende hen ghinc nae, Hosaia, ende de helft der Vorsten Iuda,

34

Ende Azaria, Esra, Mesullam, Iuda, BenIamin, Semaia ende Ieremia,

35

Ende sommighe der Priesters kinderen met Trompetten, te weten, Sacharia de sone Ionathan, des soons Semaia, des soons Mathania, des soons Michaia, des soons Sachur, des soons Assaph,

36

⁺ Ende zijn broeders. Semaia, Azareel, Milalai, Gilalai, Maai, Nethaneel, ende Iuda, Hanani metten musijckspelen Dauids des mans Gods. Esra de Scriftgeleerde voor hen, ter fonteynpoorten waerts,

+ D vers 36

37

Ende ghinghen neffens hem op de trappen totter stadt Dauids, de mueren op, totten huyse Dauids toe, tot aen de waterpoorte teghent Oosten.

38

Den anderen Danc Choor, ghinck teghen hem ouer, ende ick nae hem, Ende de helft des volcx aen de mueren na de ouenspoorte opwaerts, tot aen de breede mueren,

39

Ende nae de poorte Ephraim aen, ende na de oude poorte, ende na de vischpoorte, ende nae den Toren Hananeel, ende nae den Toren Mea, tot aen de schaepspoorte: Ende bleuen staende inde kerckerpoorte.

40

Ende die twee danc Choren stonden alsoo inden huyse Gods, ende ic, ende de helft der Ouerster met my,$

41

Ende de Priesters, te weten, ElIakim, Maesia, MinIamin, Michaia, Elioenai, Sacharia, Hanania, met Trompetten,

42

Ende Maeseia, Semaia, Eleazar, Vsi, Iohanan, Malchia, Elam, ende Azer. Ende de Sanghers songen luyde, ende Iesrahia was de voor staender.

43

Ende inden seluen daghe, werden groote offerhanden gheoffert, ende waren vrolijck.⁺ Want Godt had hen een groote blijscap ghemaect, alsoo dat hen, beyde wijuen ende kinderen verblijden. Ende men hoorde de blijschap Ierusalems verre.

+ E vers 43

44

In dier tijt werden mannen ouer de schatkisten gheordineert, daer de Heffinghen, eerstelinghen ende thienden in waren, dat syse vergaderen souden van de Ackeren om de stadt, om wt de deelen, na de wet voor de Priesteren ende Leuiten. Want Iuda hadde een blijschap aen de Priesteren ende Leuiten, dat si stonden ende bewaerden de bewaringe haers Godts, ende de bewaringhe der reyninghe.

45

Ende de Sangers ende poortwachters stonden na den ghebode Dauids ende zijns soons Salomo.

46

^† Want inden tijden Dauids ende Assaphs werden de Ouerste sanghers, ende lofliedekens ende danck tot God ghesticht.

† 1.Par. 24.a.1 25.a.1. 26.a.1.

47

Ende gheheel Israel gaf den sangers ende den poortwachters deelen inden tijden Serubabel ende Nehemia, op elcken dach zijn deel, ende si gauen wat gheheylichs voor de Leuiten. Ende de Leuiten gauen wat geheylichs voor de kinderen Aaron.