Den Bibel, Inhoudende dat Oude ende Nieuwe Testament (Biestkensbijbel)

¶ Dat .xxix. Capittel.

¶ Vanden Godtvreesenden Coninck Ezechia hoe hy gheregeert ende wat hy ghedaen heeft.

1

⁺ IEhiskia was vijfentwintich iaer out^† doen hy Coninc wert, ende regeerde neghenentwintich iaer te Ierusalem. Sijn moeder hiet Abia, een dochter Sacharia.

+ A vers 1

† 4.Reg. 18.a.1

2

Ende hy dede dat den HEEre wel beuiel, als zijn vader Dauid.

3

Hy^† dede de dueren aenden huyse des HEEren open, inder eerster maent, des eersten iaers zijn Conincrijcx, ende maecktese vast.

† 2.pa. 28.d.24.

4

Ende bracht de Priesters ende de Leuiten daer in, ende vergaderdese opter breeder straten Oostwaert, ende sprack tot hen:

5

Hoort toe na my ghy Leuiten: Heylicht v nv, dat ghy dat huys des HEEren uwer vaderen Gods heylicht, Ende doet daer wt de onreynicheyt wt den Heylichdom.

6

Want onse vaderen hebben hen^† vergrepen, ende gedaen dat den HEEre onsen God qualijc beuiel, ende hebben hem verlaten. Want sy hebben haer aensicht vander wooningen des HEEren gekeert, ende haer den rugghe toe ghekeert,

† Ontgaen.

7

Ende

[p. 172v]

hebben de dueren aenden poortale toegesloten, ende de Lampen wtghebluscht, ende geen Ruecwerck gerooct, ende geen Brantoffer ghedaen, inden Heylichdom den Gode Israels.

8

⁺ Daer wt is de gramscap des HEEren ouer Iuda ende Ierusalem gecomen, ende heeftse ghegheuen in verstroyinge ende verwoestinge, datmense aenpijpt, so ghy met uwen ooghen siet.

+ B vers 8

9

Want siet, om des selfs wille, zijn onse Vaders geuallen, doort sweert, onse sonen, dochteren, ende wijuen zijn wech gheleyt.

10

Nv heb ict inden sin een verbondt te maken metten HEEre den God Israels, dat sine gramschap ende verbolgentheyt haer van ons keere.

11

Nv mijne sonen en zijt niet traech:^† Want de HEERE heeft v vercoren, dat ghy voor hem staen sout, ende dat ghy sine dienaers ende wieroockers zijn sout.

† Num. 18.a.1.

12

Doen maeckten hen de Leuiten op: Mahat, de sone Amasai, ende Ioel de sone Asaria, vanden kinderen der Kahathiten. Maer vanden kinderen Merari: Kis de sone Abdi, ende Azaria de sone Iehaleleel. Vanden Kinderen der Gersoniten: Ioah de sone Simma, ende Eden de sone Ioah.

13

Ende vanden kinderen Elizaphan: Simri ende Ieiel. Ende vanden kinderen Assaph: Sacharia, ende Mathania.

14

Ende vanden kinderen Heman: Iehiel, ende Simei. Ende vanden kinderen Ieduthun: Semaea, ende Vsiel.

15

⁺ Ende si vergaderden haer broeders ende heylichden hen, ende gingen daer in, nae des Conincx gebode, wt den woorde des HEEren, om te reynighen dat huys des HEEren.

+ C vers 15

16

Maer de Priesters ghinghen in, binnen int huys des HEEren, om te reynighen, ende brachten alle onreynicheyt (die inden Tempel des HEEren gheuonden wert) op den Hof aent huys des HEEren. Ende de Leuiten namense op, ende droegense wt inde beke Kidron.

17

Sy begosten hen te heylighen inden eersten dach der eerster maent, ende opten achsten dach der maent, ghinghen si in dat^† poortael des HEEren, ende heylichden dat huys des HHEren acht daghen lanck, ende voleyndent inden sesthiensten dach der eerster maent.

† Voorhuys.

18

Ende sy ghinghen in totten Coninck Hiskia, ende spraken: Wy hebben dat gheheele huys des HEEren ghereynicht, den Brantoffer Altaer, ende alle zijn gereetschap, de Tafel der thoonbrooden, ende alle haer ghereetschap.

19

Ende alle vaten die de Coninck Ahas, doen hy Coninck was, wech geworpen hadde,⁺ doen hy hem besondichde, die hebben wy bereyt ende gheheylicht: Siet, sy zijn voor den Altaer des HEEren.

+ D vers 19

20

Doen maecte hem de Coninc Hiskia vroech op, ende vergaderde de Ouerste der stadt, ende ginc op totten huyse des HEEren,

21

Ende brachten derwaerts seuen Ossen, seuen Rammen, seuen Lammeren, ende seuen Geytenbocken, tot eenen Sondoffer, voor dat Conincrijc, voor dat Heylichdom, ende voor Iuda. Ende hy sprack totten Priesteren de kinderen Aaron, dat si offeren souden opten Altaer des HEEren.

22

Doen sloeghen sy de Runderen. Ende de Priesters namen dat bloet, ende sprengdent opten Altaer. Ende si sloegen de Rammen, ende sprengden dat bloet opten Altaer. Ende sloegen de Lammeren, ende sprengden dat bloet opten Altaer.

23

Ende brachten de Bocken totten Sondoffer voor den Coninck, ende voor de ghemeynte, ende leyden haer handen op die.

24

Ende de Priesters sloegense, ende ontsondichden haer bloet opten Altaer, om dat gheheele Israel te versoenen. Want de Coninck hadde beuolen, Brandtoffer ende Sondoffer te doen voor dat gheheele Israel.

25

⁺ Ende hy stelde de Leuiten int huys des HEEren, met Cymbalen, Psalteren, ende Herpen,^* soo het Dauid beuolen hadde ende Gad de Siender des Conincx, ende de Propheet Nathan. Want het was des HEEren ghebot, door sine Propheten.

+ E vers 25

* 1.Par. 26.a.1.

26

Ende de Leuiten stonden metten^† musijcspelen Dauids, ende de Priesters metten Trompetten.

† Snaren.

27

Ende Hiskia hiet hen Brantoffer doen opten Altaer. Ende op die tijt, doemen dat Brantoffer begost, so begost ooc den sanck des HEEren ende de Trompetten, ende op menigherhande musijckspelen Dauids des Conincks Israels,

28

Ende de gheheele ghemeynte aenbadt. Ende den sanc des sangers, ende dat trompetten der Trompetters, duerde altemael tot dat dat Brantoffer volbracht was.

29

Als nv den Brantoffer volbracht was, buychde hem de Coninc, ende alle die by hem voorhanden waren, ende aenbaden.

30

Ende de Coninc Hiskia metten Ouersten, hiet de Leuiten, den HEEre louen, met den gedichte Dauids, ende Assaph des Sienders, Ende si loofden hem met vruechden, ende neychden hen, ende aenbaden.

31

Ende Hiskia antwoorde ende sprac: Nv hebt ghi uwe handen geuult den HEEre, tredet toe, ende brengt herwaerts de Offerhanden, ende Lofofferen totten huyse des HEEren. Ende de ghemeynte bracht daer toe offeren ende Lofoffer, ende elck man met vrywilligher herten Brantofferen.

32

Ende dat getal der Brantofferen, die de gemeynte daer toe bracht, was tseuentich Runderen, C. Rammen, ende twee .C. Lammeren, ende sulcx alle tot Brantoffer den HEEre.

33

Ende si heylichden ses hondert Runderen, ende drie duysent Schapen.

34

⁺ Maer der Priesters was te luttel, ende en costen de Brantofferen die huyt niet al af ghetrecken. Daerom namen si hare broeders de Leuiten te hulpe, tot dat dat werck volbracht werdt, ende tot dat hen de Priesters heylichden: Want de Leuiten zijn lichter te heylighen dan de Priesters.

+ F vers 34

35

Ooc was des Brantoffers vele, metten vette des Dancoffers ende Drancoffers totten Brantofferen. Alsoo werdt dat Officie aenden huyse des HEEren ghereet.

36

Ende Hiskia verblijde hem met alle den volcke, datmen met Gode bereyt was gheworden. Want het gheschiede seer rasch.