Den Bibel, Inhoudende dat Oude ende Nieuwe Testament (Biestkensbijbel)

¶ Dat .xxj. Capittel.

¶ Vanden Steden ende Voorsteden der Leuiten.

1

⁺ DOen traden toe de ouerste Vaders onder den Leuiten, totten Priester Eleazar, ende Iosua den sone Nun ende totten ouersten Vaderen, onder den stammen der kinderen Israels,

+ A vers 1

2

Ende spraken met hen tot Silo, inden lande Canaan,^* ende seyden: De HEEre heeft geboden door Mose, datmen ons Steden gheuen soude te woonen, ende der seluer Voorsteden tot onsen Vee.

* Num. 35.a.2.

3

Doen gauen de kinderen Israels den Leuiten van haren erfdeel, nae het beuel des HEEren, dese Steden ende hare Voorsteden.

4

Ende dat Lot viel op dat gheslachte der^† Kahathiten, ende den kinderen Aaron des Priesters wt den Leuiten, quamen doort Lot derthien steden, vanden stam Iuda, vanden stam Simeon, ende vanden stam BenIamin.

† Num. 3.c.17. 4.a.2.

5

Maer den anderen kinderen Kahath des seluen geslachts, quamen doort Lot thien steden, vanden stamme Ephraim, vanden stamme Dan, ende vanden haluen stamme Manasse.

6

⁺ Maer den kinderen Gerson des seluen gheslachts, quamen doort Lot derthien steden, vanden stamme Isaschar, vanden stamme Asser, ende vanden stamme Naphthali, ende vanden haluen stamme Manasse tot Basan.

+ B vers 6

7

Den kinderen Merari, haers gheslachts worden twelf steden, vanden stamme Ruben, vanden stamme Gad, ende vanden stamme Sebulon.

8

Also gauen de kinderen Israels den Leuiten doort Lot, dese steden ende hare voorsteden, so de HEEre door Mose geboden hadde.

9

Vanden stamme der kinderen Iuda, ende vanden stamme der kinderen Simeon, gauen si dese steden, die si met haren name noemden,

10

Den kinderen Aaron des geslachts der Kahathiten, wt den kinderen Leui, want dat yerste Lot was haer.

11

Dus gauen si hen dan, KiriathArba, die des vaders Enak was dat is Hebron opt gheberchte Iuda, ende haer Voorsteden rontom haer.

12

Maer de^* Acker der stadt, ende haer dorpen gauen si Caleb den sone Iephunne, tot zijnder besittinghe.

* Iosu. 14.d.13. 1.Pa. 7.d.56.

13

⁺ Also gauen si den kinderen Aarons des Priesters, de vrij stadt der dootslagers, Hebron ende hare Voorsteden, Libna ende hare voorsteden,

+ C vers 13

14

Iathir ende hare voorsteden, Esthmua ende hare voorsteden.

15

Holon ende hare voorsteden, Debir ende hare voorsteden,

16

Ain ende hare voorsteden, Iuta ende hare voorsteden, BethSemes ende hare voorsteden, Negen steden van desen twee stammen.

17

Maer vanden stamme BenIamin, gauen si vier steden, Gibeon ende hare voorsteden, Geba ende hare voorsteden.

18

Anathot ende hare voorsteden, Almon ende hare voorsteden.

19

Also dat alle steden der kinderen Aaron des Priesters derthien waren, met hare voorsteden.

20

Maer den geslachten der andere^* kinderen Kahath, den Leuiten, quamen door haer Lot vier steden vanden stamme Ephraim,

* 1.Par. 7.e.66

21

Ende gauen hen de vrij stadt, der dootslagers, Sechem ende hare voorsteden, op dat geberchte Epraim, Geser ende hare voorsteden,

22

Kipzaim ende hare voorsteden, BethHoron ende hare voorsteden.

23

Vanden stamme Dan, vier steden Estheke ende hare voorsteden, Gibton ende hare voorsteden,

24

Aialon ende hare voorsteden, GadRimon ende hare voorsteden.

25

⁺ Vanden haluen stamme Manasse twee steden, Thaenach ende hare voorsteden,

+ D vers 25

[p. 88v]

GadRimon ende hare voorsteden.

26

Also dat alle de steden der kinderen des gegeslachts Kahath, thien waren, met hare voorsteden.

27

Maer den kinderen Gerson, wt den gheslachten der Leuiten, werden ghegeuen, Vanden haluen stamme Manasse, twee steden:

28

De vrije stadt voor de dootslaghers, Golan in Basan ende hare voorsteden, Beesthra ende hare voorsteden.

29

Vanden stamme Isaschar, vier steden, Kision ende hare voorsteden, Dabrath ende hare voorsteden, Iarmuth ende hare voorsteden, EnGannim ende hare voorsteden.

30

Vanden stamme Asser, vier steden: Miseal ende hare voorsteden, Abdon ende hare voorsteden,

31

Helkath ende hare voorsteden, Rehob ende hare voorsteden.

32

Vanden stamme Naphthali, drie steden: De vrije stadt Kedes voor de dootslagers in Galilea ende hare voorsteden, Hamoth Dor ende hare voorsteden, Karthan ende hare voorsteden,

33

Alsoo dat alle de steden des gheslachts der Gersoniten, waren derthien, met hare voorsteden.

34

⁺ Maer den gheslachten der kinderen Merari, den anderen Leuiten werden gegheuen, Vanden stamme Sebulon, vier steden:

+ E vers 34

35

Iakneam, Kartha, Dimna, Nahalal met haren voorsteden.

36

Vanden stam Ruben, vier steden:

37

Beser, Iahza Kedemoth, Mephath met haren voorsteden.

38

Vanden stamme Gad, vier steden: De vrij stadt voor de dootslaghers,

39

Kamoth in Gilead, Mahanaim, Hesbon, Iaeser, met haren voorsteden,

40

Alsoo dat alle de steden der kinderen Merari in haren gheslachten der andere Leuiten, nae haren Lote waren twelf.

41

Alle de steden der Leuiten, onder dat erue der kinderen Israels, waren achtenveertich met haren voorsteden.

42

Ende dese steden waren alsoo ghedaen, dat elcke haer voorstadt, om haer hadde, deene als de andere.

43

Alsoo gaf de HEEre den Israeliten alle dat lant, dat hy ghesworen hadde haren Vaderen te gheuen. Ende si nament in, ende woonden daer in.

44

Ende de HEEre gaf hen ruste van allen rontsom,^* so hy haren vaderen ghesworen had, ende niemant van haren Vianden en wederstont hen: Maer hy gaf alle hare vianden in haren handen.

* Gen. 17.b.8.

45

Ende daer en faelgeerde niet aen allen den goeden, dat de HEEre den huyse Israels ghesproken hadde. Het quam altemael.