Den Bibel, Inhoudende dat Oude ende Nieuwe Testament (Biestkensbijbel)

¶ Dat .xix. Capittel.

¶ Vanden deelen, Simeons, Sabulons, Isaschars, Asers, Naphthalis, ende Dans.

1

⁺ DAer nae viel dat ander Lot, des stams der kinderen Simeon, nae haren geslachten,

+ A vers 1

2

^† Ende haer erfdeel was onder dat erfdeel der kinderen Iuda.^* Ende hen wert tot eenen Erfdeel: BerSeba, SebaMolada,

† Gen. 29.a.7.

* 1.Par. 5.a.5.

3

HazarSual, Bala, Azen,

4

Eltholad, Bethul, Harma,

5

Sicklack, BethMarcaboth, HazarSussa,

6

BethLebaoth, Saruhen.^† Dat zijn derthien steden ende haer dorpen.

† Iosu. 15.e.32.

7

Ain, Rimon, Ether, Azan, dat zijn vier steden ende haer dorpen.

8

Daer toe alle dorpen die rontom dese steden liggen tot Baalath, BeerRamath, tegent Suyden: Dat is dat Erfdeel des stams, der kinderen Simeon, in haren gheslachte.

9

Want der kinderen Simeons erfdeel, is onder dat snoer der kinderen Iuda. Om dat het Erfdeel der kinderen Iuda, hen te groot was, daerom erfden de kinderen Simeon, onder haren Erfdeel.

10

^† Dat derde Lot viel op de kinderen Sebulon, nae haren geslachte. Ende den pale haers erfdeels was tot Sarid toe,

† Gen. 49.b.13.

11

Ende gaet opwaerts nae den Westenwaert, nae Mereala, ende stoot aen Dabaseth, ende reyct aen de beke, die voor Iekneam vliet,

12

Ende keert hem van Sarid tegen der Sonnen opganc, tot aen de Palen Cisloth, Tabor, ende coemt wt nae Dabrath, ende gaet opwaerts nae Iapia,

13

Ende van daer gaet si tegent Oosten, door Githa, Hepher, Itha, Kazin, ende coemt wt nae Rimon, Mithoar, ende Nea.

14

⁺ Ende crommet hem om vant Noorden nae Nathon, ende haren wtganc is, inden dal Iephtael.

+ B vers 14

15

Kathath, Nahalal Simron, Iedeala, ende BethLehem: Dat zijn twelf Steden ende haer Dorpen.

16

Dat is dat Erfdeel der kinderen Sebulon in haren geslachten. Dat zijn haer Steden ende Dorpen.

17

Dat vierde Lot viel op de kinderen Isaschar nae haren gheslachten.

18

Ende haren pale was, Iesrahel, Chesulloth, Sunen,

19

Hapharaim, Sion, Anaharath,

20

Raabith, Kiseon, Abez,

21

Remeth EnGannem, Enhada, BethPazes,

22

Ende streckt aen Thabor, Sahazinma, BethSemes, ende zijn eynde is aen de Iordane, sesthien Steden ende haer Dorpen:

23

Dat is dat erfdeel des stams der kinderen Isaschar in haren geslachten, Steden ende Dorpen.

24

Dat vijfste Lot viel opten stam der kinderen Asser, nae haren gheslachten.

25

Ende haren pale was Helkath, HaliBeten, Achsaph,

26

AlaMelech, Amead, Miseal, ende strect aen Carmel, aen de zee, ende aen SihorLibnath,

27

Ende keert hem tegen den opganck der Sonnen, nae Bethdagan, ende reyct aen Sebulon, ende aen dat dal IephtahEl, tegent Noorden BethEmek, Negiel, ende coemt wt tot Cabul ter slincker sijde.

28

Ebron, Kehob, Hamon, Kana, tot aent groot Sidon,

29

⁺ Ende keert hem nae Rama, totter vaster stadt Sor toe, ende keert hem nae Hossa, ende gaet wt aen de zee, nae dat snoer tot Achsib,

+ C vers 29

30

Vma, Aphek, Rehob tweentwintich Steden ende Dorpen:

31

Dat is dat erfdeel des stams der kinderen Asser, in haren gheslachten, Steden ende Dorpen.

32

Dat seste Lot viel op de kinderen Naphthali, in haren geslachten.

33

Ende hare palen waren van Heleph, Elon, Door Saanim, Adami, NeKeb, IabneEl, tot Lakum toe, ende gaet wt aen de Iordane,

34

Ende keert hem totten Westen na AssnothThahor, ende coemt van daer wt nae Hukok, ende strecket aen Sebulon tegent Suyden, ende aen Asser tegent Westen, ende aen Iuda, aen de Iordane, teghen den opganck der Sonnen,

35

Ende heeft vaste Steden, Sidim, SerHamath, Rakath, Cinnareth,

36

Adama Rama, Hazor,

37

Kedes, Edrei, EnHazor,

38

Iereon, Migdal, Elharen, BethAnath, BethSames, negenthien Steden ende haer Dorpen:

39

Dat is dat Erfdeel des stams der kinderen Naphthali in haren gheslachten, Steden ende Dorpen.

40

^+* Dat seuenste Lot viel optem stam, der kinderen Dan, nae haren geslachten.

+ D vers 40

* Iudic. 18.a.1.

41

Ende de Palen haers erfdeels, waren Sarea, Estheol, Isrames,

42

Saalabin, Aialon, Iethla,

43

Elon, Thimnatha, Ekron,

44

Estheke, Gibethon, Baalath,

45

Iehud, Bnebarak, GathRimon,

46

MeIarkon, Rakon, metten palen tegen Iapho,

47

Ende aen den seluen eynde de pael der kinderen Dan. Ende de kinderen Dan trocken opwaerts, ende streden tegen Lesem, ende wonnen, ende sloegense metter scherpten des sweerts, ende namense in, ende woonden daer in,^† ende noemdense Dan, nae haers vaders naeme:

† Iudic. 18.g.29

48

Dat is dat Erfdeel des stams der kinderen Dan, in haren geslachten, Steden ende Dorpen.

49

Ende doen si dat Lant altemael wtghedeylt hadden, met sinen palen, gauen de kinderen Israels Iosua den Soone Nun, een erfdeel onder hen.

50

Ende gauen hem nae den beuele des HEEren,

[p. 88r]

de Stadt die hy begerde, te weten^† ThimnathSerah, opt gheberchte Ephraim. Daer timmerde hy de Stadt, ende woonde daer in.

† Iosu. 24.f.30.

51

Dat zijn de Erfdeelen,^* die Eleasar de Priester ende Iosua de sone Nun, ende de ouersten der Vaderen, onder den gheslachten, door het Lot den kinderen Israels wtdeylden, tot Silo voor den HEEre, voor de duere der Hutten des ghetuychenis, ende volbrachten also dat wtdeylen des Lants.

* Nu. 34.d.17.