Den Bibel, Inhoudende dat Oude ende Nieuwe Testament (Biestkensbijbel)

¶ Dat .xxxiij. Capittel.

¶ Moses geeft hier den volcke eenen goeden wensch, ende een segheninghe, als voor zijn laetste adieu.

1

⁺ DAt zijn de reysen der kinderen Israels, die wt Egipten lant ghetrocken zijn, na haren heyren, door Mose ende Aaron.

+ A vers 1

2

Ende Mose beschreef haren wttoch so si trocken, nae het beuel des HEEren. Ende dit zijn namelijcken de Reysen haers wttreckens:

3

^† Sy trocken wt van Raemses inden vijfthiensten daghe des eersten maents, des anderen daechs des Paesschen, door een hooghe hant, dattet alle Egiptenaers saghen,

† Exod. 12.f.37.

4

Ende begroeuen euen haer eerstegeboorten, die den HEEre onder hen gheslaghen had, want de HEEre had oock aen hare goden Oordeel gheoeffent.

5

⁺ Als si van Raemses wt trocken, maecten si haren Legher in Suchoth.

+ B vers 5

6

^† Ende trocken wt van Suchoth, ende maecten haren Legher in Etham, welcke leyt aen dat eynde der woestijnen.

† Exod. 13.d.20.

7

Van^† Etham trocken si wt, ende bleuen in de leechte Hahiroth, dat welcke leyt teghen Baal Sephon, ende maecten haren Legher teghen Migdol.

† Num. 14.a.2.

8

Van^* Hahiroth trocken si wt, ende ginghen midden door de zee in de woestijne, ende reysden drie dachreysen in de woestijne Etham, ende maecten haren Leger in Marah.

* Exod. 15.d.22.

9

Van^† Marah togen si wt, ende quamen te Elim: Daer waren twaelf Waterfonteynen, ende seuen Palmen, ende maecten haren Legher aldaer.

† Exod. 16.a.1.

10

Van Elim trocken si wt, ende maecten haren Legher aen de Roode zee.

11

Vander rooder zee, trocken si wt, ende maecten haren Legher in de woestijne Sin.

12

Van de woestijne Sin, trocken si wt, ende maecten haren Legher in Daphka.

13

Van Daphka trocken si wt, ende maecten haren Legher in Alus.

14

^† Van Alus trocken si wt, ende maecten haren Legher in Raphidim. Aldaer en had dat volc gheen water te drincken.

† Exod. 17.a.1.

15

^* Van Raphidim trocken si wt, ende maecten haren Legher in de woestijne Sinai.

* Exod. 19.a.1.

16

^+* Van Sinai trocken si wt, ende maecten haren Legher inde Lustgrauen.

+ C vers 16

* Num. 10.b.12. 11.g.35. 12.b.16

17

Van de Lustgrauen trocken si wt, ende maecten haren Legher in Hazeroth.

18

Van Hazeroth trocken si wt, ende legerden hen in Rithma.

19

Van Rithma trocken si wt, ende maecten haren Legher in Rimon Parez.

20

Van Rimon Parez trocken si wt, ende maecten haren Leger in Libna.

21

Van Libna trocken si wt, ende maecten haren Legher in Rissa.

22

Van Rissa trocken si wt, ende maecten haren Legher in Kehelatha.

23

Van Kehelatha trocken si wt, ende maecten haren Legher int gheberchte Sapher.

24

Van dat gheberchte Sapher trocken si wt, ende maecten haren Legher in Harada.

25

Van Harada trocken si wt, ende maecten haren Legher in Makeheloth.

26

Van Makeheloth trocken si wt, ende maecten haren Legher in Tahath.

27

Van Tahath trocken si wt, ende maecten haren Leger in Tharah.

28

Van Tharah trocken si wt, ende maecten haren Legher in Mitka.

29

Van Mitka trocken si wt, ende maecten haren Leger in Hasmona.

30

^* Van Hasmona trocken si wt, ende maecten haren Legher in Mozeroth.

* Deut. 10.b.6.

31

⁺ Van Mozeroth trocken si wt, ende maecten haren Legher in BneIakeon.

+ D vers 31

32

Van BneIakeon trocken si wt, ende maecten haren Legher in Horgidgad.

33

Van Horgidgad trocken si wt, ende maecten haren Legher in Iathbatha.

34

Van Iathbatha trocken si wt, ende maecten haren Legher in Abrona.

35

Van Abrona trocken si wt, ende maecten haren Legher in Ezeongaber.

36

Van Ezeongaber trocken si wt, ende maecten haren Legher in de woestijne Sin, dat is Kades.

37

^* Van Kades trocken si wt, ende maecten haren Legher aen den berch Hor, aen de palen des Lants Edom.

* Num. 20.d.22

38

^† Doen ginc de Priester Aaron opten berch Hor, nae den beuele des HEEren, ende sterf aldaer, inden veertichsten Iare des wtgancx der kinderen Israels wt Egipten lant, inden eersten daghe des vijfsten Maents:

† Deut. 10.b.6.

39

Als hy hondert ende drientwintich Iaer out was.

40

^‡ Ende Arad de Coninck der Cananiten, die daer woont teghent Suyden vanden lande Canaan, hoorde, dat de kinderen Israels quamen.

‡ Num. 21.a.1.

41

^+* Ende vanden berghe Hor trocken si wt, ende maecten haren Legher in Salmona.

+ E vers 41

* Num. 21.a.4.

42

Van Salmona trocken si wt, ende maecten haren Legher in Phunon.

43

Van Phunon trocken si wt, ende maecten haren Legher in^† Oboth.

† Num. 21.b.10.

44

Van Oboth trocken si wt, ende maecten haren Legher in Igim, aen dat gheberchte Abarim, inder Moabiten palen.

45

Van Igim trocken si wt, ende maecten haren Legher in Dibon Gad.

46

Van Dibon Gad trocken si wt, ende maecten haren Legher in Almon Diblathaim.

47

Van Almon Diblathaim trocken si wt, ende maecten haren Leger int geberchte Abarim, tegen Nebo.

[p. 64r]

48

Vanden gheberchte Abarim trocken si wt, ende maecten haren Leger in dat Velt der Moabiten, aen de Iordane teghen Iericho.

49

Maer si maecten haren Legher van BethIsimoth, tot aen de breedte^* Sitim, des velts der Moabiten.

* Num. 25.a.1.

50

Ende de HEEre sprack met Mose inden velde der Moabiten, aen de Iordane, teghen Iericho, ende seyde:

51

Spreeckt metten kinderen Israels, ende segt tot hen: Als ghi ouer de Iordaen ghegaen zijt, int Lant Canaan,

52

Dan^† suldy al de Inwoonders verdrijuen voor v aensicht, ende al haer Pilaren, ende al haer ghegoten Beelden verdestrueren, ende alle haer hoochten, te niete doen,

† Deut. 7.a.5. Iosu. 16.b.10.

53

Dat ghy alsoo dat lant in neemt, ende daer in woont. Want v heb ick dat Lant ghegheuen, dat ghijt in nemen sult.

54

^† Ende ghy sult dat Lant wtdeylen, met den lote, onder v gheslachten. Den genen, der welcker veel is, suldy des te meer toe deylen: Ende den ghenen, der welcker weynich is, suldy des te weynigher toe deylen. Soot lot eenen yeghelijcken aldaer valt, soo sal hijt hebben, nae den stammen haerder vaderen.

† Num. 26.f.55. Iosue. 14.a.2.

55

^+* Maer ist dat ghy de Inwoonders van dien Lande niet en verdrijft voor v aensicht, so sullen v de ghene, die ghy laet ouer blijuen, tot doornen worden in uwen ooghen, ende tot prickelen in uwe siden, ende sullen v dringhen opten lande daer ghy in woont:

+ G vers 55

* Iudi. 1.e.27.f.29. Iosu. 23.c.13.

56

Ende dan salt geschien, dat ick v ghelijck doen sal, wat ick hen dacht te doen.