Den Bibel, Inhoudende dat Oude ende Nieuwe Testament (Biestkensbijbel)

¶Dat .xij. Capittel.

¶ MirIam ende Aaron murmureren teghen Mosen, ende MirIam wort Melaetsch.

1

⁺ ENde^† MirIam ende Aaron spraken teghen Mosen, om zijns wijfs wille, de Morinne, die hy genomen had, daerom dat hy een Morinne te wijue ghenomen had, ende spraken:

+ A vers 1

† MirIam oft Maria Aarons suster.

2

Spreeckt dan de HEEre alleen door Mose? En spreect hy oock niet door ons?

3

Ende de HEEre hoordet. Maer Mose was een seer^† geplaecht mensch, bouen alle menschen op Aerden.

† Dat is, een elendich mensch die veel lijden moest.

4

Ende de HEEre sprack haestelijck tot Mose, ende tot Aaron, ende MirIam: Gaet henen wt ghy drie totter Hutten des ghetuychenis. Ende si ghinghen alle drie wt.

5

Doen quam de HEEre af, in een Wolckcolumne, ende tradt in der Hutten duere, ende riep Aaron ende MirIam, ende die twee ghinghen wt.

6

Ende hy sprack: Hoort mijn woort: Is yemandt onder v een Propheet des HEEren, dien wil ick my^† condt maken in een ghesichte, oft in eenen droom wil ick met hem spreecken.

† Openbaren.

7

Maer alsoo niet met mijnen knecht Mose,^* die in alle mijnen huyse ghetrou is.

* Heb. 3.a.2.

8

Mondelijck spreeck ick met hem,^† ende hy siet den HEEre in zijnder gedaenten, niet door doncker woorden oft ghelijckenissen. Waer om en hebdy v dan niet gheureest tegen mijnen knecht Mose te spreecken?

† Exod. 33.c.11.

9

⁺ Ende den tooren des HEEren wert op hen gram, ende ghinck wech,

+ B vers 9

10

Oock weeck de Wolck vander Hutten, ende siet^† doen was MirIam Lazarich, als den snee. Ende Aaron keerde hem tot MirIam, ende wert ghewaer, datse Lazarich is,

† Deut. 24.b.9. 4.Re. 5.e.27. 2.Pa. 26.d.19

11

Ende sprack tot Mose: Och mijn Heere, en laet de sonde op ons niet blijuen, daer wy sottelijck mede ghedaen ende ons besondicht hebben,

12

Dat dese niet en si als een doot dinck,

[p. 54v]

dat van zijnder moeder lichaem coemt, het heeft alreede de helft haers vleeschs verslint.

13

Maer Mose riep totten HEEre, segghende: Och Godt, heeltse.

14

De HEEre sprack tot Mose: Waert dat haer vader haer int aensicht ghespoghen had, en soude si niet seuen daghen haer schamen? Laetse seuen daghen besluyten buyten den legher, daer nae laetse weder^† aennemen.

† Oft opnemen.

15

^‡ Also wert MirIam seuen daghen besloten buyten den legher, ende dat volck en trock niet voorder, tot dat MirIam opgenomen wert.

‡ Leu. 13.a.4. 14.a.1.

16

^† Daer nae trock dat volck van Hazeroth, ende legherden hem in de woestijne Paran.

† Num. 33.c.18.