Den Bibel, Inhoudende dat Oude ende Nieuwe Testament (Biestkensbijbel)

¶ Dat .ij. Capittel.

¶ Hoe datmen den Heyrleger, de Hutten, ende Tenten op slaen sal.

1

⁺ ENde de HEEre sprack met Mose ende Aaron, segghende:

+ A vers 1

2

De kinderen Israels, sullen haren Legher maken, al om by de Hutte des getuychenis, een yeghelijck onder zijn Baniere, ende teeken, nae haerder vaderen huys.

3

Teghen den Oosten, sal hem Iuda legheren met zijnder Banieren ende Heyre: Haer Hooftman Nahesson Aminadab soon.

4

Ende van sinen Heyre was de somme vierentseuentich duysent ende seshondert.

5

Neuen hem, sal sinen Legher maken, den stamme Isaschar: Haer hooftman Nathaneel Suar Soon,

6

Ende de somme van sinen Heyr vierenvijftich duysent ende vier hondert.

7

Daer toe den stamme Sebulons: Haer hooftman Eliab Elon soon,

8

Van sinen

[p. 49v]

heyre is de somme, seuenenvijftich duysent ende vier hondert.

9

Dat alle die in Iuda Legher behooren, zijn inder sommen, hondert ende sessentachtentich duysent ende vier hondert, die tot haren heyr behooren, ende die sullen voor aen trecken.

10

⁺ Teghen het zuyden, sal liggen de Tente ende Baniere Ruben met haren Heyre: Haer Hooftman EliSur Sedeur soon,

+ B vers 10

11

Ende zijn heyr inder sommen sesenveertich duysent vijf hondert.

12

Neuen hem sal sinen Legher maken den stamme Simeon: Haer Hooftman Selumiel SuriSadai soon,

13

Ende zijn Heyr inder sommen neghenenvijftich duysent, drie hondert.

14

Daer toe den stamme Gad: Haer Hooftman Eliasaph Reguels soon,

15

Ende zijn Heyr inder sommen vijfenveertich duysent, seshondert ende vijftich.

16

Dat alle die in Rubens Leger behooren, zijn inder sommen hondert ende eenenvijftich duysent, vier hondert ende vijftich, die tot haren Heyr behooren, ende sullen die tweede zijn int wttrecken:

17

⁺ Daer nae sal de Hutte des ghetuychenis trecken met den legher der Leuiten, midden onder de Legheren. Ende soo si haren Legher stellen, alsoo sullen si oock trecken, een yeghelijck in zijn plaetse, onder zijn Baniere.

+ C vers 17

18

Teghen den Westen sal ligghen de^* Tente ende Baniere Ephraim, met haren Heyre: Haer Hooftman sal zijn Elisama Amihud soon,

* Psal. 80.a.3.

19

Ende zijn Heyr inder sommen veertich duysent ende vijf hondert.

20

Neuen hem sal sinen Legher maken den stamme Manasse: Haer Hooftman Gamaliel PedaSur soon,

21

Sijn Heyr aen de somme tweendertich duysent ende twee hondert.

22

Daer toe den stamme BenIamin: Haer Hooftman Abidan Gideons soon,

23

Sijn heyr aen der sommen vijfendertich duysent ende vier hondert.

24

Dat alle die in Ephraims Legher behooren, zijn inder sommen hondert ende acht duysent ende een hondert, die tot sinen Heyr behooren, ende si sullen die derde int wttrecken zijn.

25

Teghen den Noorden sal ligghen de Tente ende Baniere Dan met haren Heyr: Haer Hooftman Ahieser AmmiSadai soon,

26

⁺ De somme van sinen Heyr, tweentsestich duysent ende seuen hondert.

+ D vers 26

27

Neuen hem sal legheren den stamme Asser: Haer Hooftman Pagiel Ochrans soon,

28

De somme van sinen Heyr, eenenveertich duysent ende vijf hondert.

29

Daer toe den stamme Naphthali: Haer Hooftman Ahira Enans soon,

30

De somme van sinen Heyr, drienvijftich duysent ende vier hondert.

31

Dat alle die in Dans Leger behooren, zijn

32

Inder sommen hondert seuenenvijftich duysent ende seshondert, ende sullen de laetste zijn int wttrecken, met haren Banieren.

33

Dat is de somme der kinderen Israels, nae haren vaderen huysen, ende Legher met haren Heyren: Ses hondert duysent, ende drie duysent, vijf hondert ende vijftich.

34

Maer de Leuiten en werden niet inde somme onder den kinderen Israels ghetelt, soo de HEEre Mose gheboden hadde.

35

Ende de kinderen Israels dedent al, also de HEEre Mose gheboden hadde. Ende maecten haren Leger onder haer Baniere, ende trocken wt, een yegelijck in zijn gheslachte, nae haerder vaderen huysen.