Den Bibel, Inhoudende dat Oude ende Nieuwe Testament (Biestkensbijbel)
(2011)–Anoniem Den Bibel, Inhoudende dat Oude ende Nieuwe Testament (Biestkensbijbel)–¶ Hier worden sommighe insettingen vertelt, ende principalijck wat totten Tabernakel behoort, wort hier bestelt. Tvolck brengt meer danmen behoeft. Hier worden oock constelijcke werckmeesters gheordineert. | |
1Ga naar margenoot+ ENde Mose vergaderde alle de Menichte der kinderen Israels, ende sprac tot hen: Dat ist, dat de HEEre gheboden heeft dat ghy doen sult: | |
2Ga naar margenoot† Ses dagen suldy arbeyden, maer den seuensten dach suldy heylich houden, eenen Sabbath der rusten des HEEren. Soo wie daer in arbeyt, die sal steruen. | |
3Ghy en sult gheen vier aensteken inden Sabbath dach, in alle uwe wooninghen. | |
4Ga naar margenoot* Ende Mose sprac tot alder Menichte der kinderen Israels: Dat ist, dat de HEEre geboden heeft: | |
5Gheeft onder v Hefoffer den HEEre, also dat een yeghelijck willichlijck brenghe den HEEre den Hefoffer, Gout, Siluer, Metael, | |
6Gheel zijde, schaerlaken, rosetroot, witte zijde, ende gheyten hayr, | |
7Rootachtighe rams vellen, Dasch vellen, ende vueren hout, | |
8Olye totter lampen, ende specerye tot salue, ende goeden roockwerck, | |
9Onix ende inghegroeft ghesteente, tot den lijfrock, ende tot den borstlap. | |
10Ga naar margenoot+ Ende soo wie onder v verstandich is, die come ende make wat de HEEre gheboden heeft, | |
11Te weten, de Wooninghe met zijnder hutten ende decksele, ringhen, berderen, rijchelen, columnen, ende voeten. | |
12De Arcke met haren hantboomen: Den Ghenaden stoel ende dat voorhancsel. | |
13De tafel met haren hantboomen, ende alle haer ghereetschap, ende de thoonbrooden. | |
14De candelaer om te lichten, ende zijn ghereetschap, ende zijn lampen, ende de olie tot den licht. | |
15Den roocaltaer met sinen hantboomen, de salue ende specerye tot den roockwerck. Dat laken voor de duere der Wooninghe. | |
16Den brantoffer Altaer met zijn metalen traellie, hantboomen, ende alle zijn gereetschap. Dat handuat met sinen voete. | |
17Dat omhancksel des voorhofs, met sinen columnen, ende voeten, ende dat laken der dueren aenden voorhof, | |
18De naghelen der Wooninghe, ende des voorhofs met haren zeelen. | |
19De cleederen der officien totten dienste inden heylighen, de heylige cleederen des Priesters Aarons, met zijnder sonen cleederen, tot den Priesterdom. | |
21Ende alle diet gheerne ende ghewillichlijck gauen, quamen ende brachten den Hefoffer den HEEre, tot den wercke der Hutten des ghetuychenis, ende tot allen sinen dienste, ende totten heyligen cleederen. | |
22Ende daer brochten beyde mannen ende wijuen, diet willichlijc deden, Ghespen, oorringhen, ringhen ende spanselen, ende alderley Gulden iuweelen. Daer toe bracht een yeghelijck, gout totter Beweghinghe den HEEre. | |
23Ende wie dat gheel zijde hadde, schaerlaken, rosetroot, witte zijde, gheyten hayr, rootachtighe rams vellen, ende Dasch vellen, die brachtet. | |
24Ende wie siluer, ende metael hief, die brachtet totter Heffinghe den HEEre. Ende wie vueren hout had, die bracht tot alderley werck des Godsdiensts. | |
25Ende die verstandige wijuen waren, die wrachten met haren handen, ende brochten haer werck van gheelder zijden, schaerlaken, rosetroot, ende witter zijden. | |
26Ende de wijuen die sulcken arbeyt consten, ende willich daer toe waren, die wrachten geyten hayr. | |
27Ga naar margenoot+ De Vorsten brochten Onix ende inghegroeft ghesteente tot den lijfrock, ende den borstlap, | |
28Ende specery, ende olie tot den Licht, ende totter Salue, ende tot den goeden Roockwerck. | |
29Aldus brochten de kinderen Israels vrywillich beyde mannen ende wijuen, tot alderley werck, dat de HEEre geboden had door Mose, datment maken soude. | |
30Ende Mose sprack tot den kinderen Israels:Ga naar margenoot* Siet, de HEEre heeft met namen gheroepen Bezaleel Vrijs soon, des soons Hur vanden stamme Iuda, | |
31Ende hy heeft hem veruult metten geest Gods, dat hy wijs, verstandich, ende gheschickt sy tot alderley werck, | |
32Constelijc te arbeyden int gout, siluer ende metael, | |
33Edel steen te snijden, ende in te setten, hout te timmeren, te maken alderley constelijck wercck. | |
34Ende heeft hem onderwijsinghe in zijn herte ghegheuen, met Ahaliab de soon Ahisamach, vanden stamme Dan. | |
35Hy heeft haer herten met wijsheydt veruult, om te maken alderley werck, te snijden, te wercken ende te sticken, met gheelder zijden, schaerlaken, rosetroot, ende witte zijde, ende met weuen, dat sy maken alderley werck, ende constelijcken arbeyt vinden. |
|